ಯುಪಿಎಸ್‌ಸಿ ರ‍್ಯಾಂಕ್ 3 ಪಡೆದ ಉಮಾ ಹರಥಿ ಸಕ್ಸಸ್‌ ಸ್ಟೋರಿ

•   Sat, May 18 2024 08:41:31 AM



• ಚೆನ್ನೈ, ಮೇ 17 (DaijiworldNews/AK): ದೇಶದ ಕಠಿಣ ಪರೀಕ್ಷೆಯಲ್ಲಿ ಯಪಿಎಸ್‌ಸಿ ನಾಗರೀಕ ಸೇವೆಗಳ ಪರೀಕ್ಷೆ. ಈ ಪರೀಕ್ಷೆ ಪಾಸ್‌ ಮಾಡುವುದು ಎಂದರೆ ತಪಸ್ಸಿಗೆ ಸಿಕ್ಕ ಪ್ರತಿಫಲವೆಂದೇ ಹೇಳಬಹುದು. 2022ನೇ ಸಾಲಿನ ಯುಪಿಎಸ್‌ಸಿ ಪರೀಕ್ಷೆ ಬರೆದು 3ನೇ ರ್‍ಯಾಂಕ್‌ ಪಡೆದ ಉಮಾ ಹರಥಿ ಎನ್‌ ರವರ ಕುರಿತ ಸ್ಟೋರಿ.

  ಉಮಾ ಹರಥಿ ಎನ್‌ ಮೂಲತಃ ತೆಲಂಗಾಣದ ನಲ್ಗೊಂಡ ಜಿಲ್ಲೆಯವರು. ತಂದೆ ಸೂಪರಿಂಟೆಂಡಂಟ್‌ ಆಫ್‌ ಪೊಲೀಸ್‌. ತಾಯಿ ಗೃಹಿಣಿ. ಹೈದೆರಾಬಾದ್‌ನಲ್ಲಿಯೇ ತಮ್ಮ ಪ್ರಾಥಮಿಕ, ಕಾಲೇಜು ಶಿಕ್ಷಣವನ್ನು ಪಡೆದ ಇವರು ಐಐಟಿ ಹೈದಾರಾಬಾದ್‌ನಲ್ಲಿ ಬಿ.ಟೆಕ್‌ ಸಿವಿಲ್‌ ಇಂಜಿನಿಯರಿಂಗ್ ಪಡೆದರು. ಇವರು ಯುಪಿಎಸ್‌ಸಿ ಗೆಲ್ಲುವ ಮುನ್ನ ಆನ್‌ಲೈನ್‌ ಸಿವಿಲ್ ಸರ್ವೀಸೆಸ್ ಕೋಚಿಂಗ್ ಸಂಸ್ಥೆಯಲ್ಲಿ ಕೆಲಸವನ್ನು ಆರಂಭಿಸಿದ್ದರು. ಉಮಾ ತಮ್ಮ ಯುಪಿಎಸ್‌ಸಿ ಸಿಎಸ್‌ಇ ಪರೀಕ್ಷೆಯನ್ನು ಗೆದ್ದಿದ್ದು ತಮ್ಮ 5ನೇ ಪ್ರಯತ್ನದಲ್ಲಿ ಯಶಸ್ಸು ಕಂಡವರು ಉಮಾ.

  ಯುಪಿಎಸ್‌ಸಿ ಪರೀಕ್ಷೆಗೆ ಓದುವವರಿಗೆ ಅತಿಮುಖ್ಯವಾಗಿ ಬೇಕಾಗಿರುವುದು ತಾಳ್ಮೆ. ಕಾರಣ ಲಕ್ಷಾಂತರ ಆಕಾಂಕ್ಷಿಗಳು ಈ ಪರೀಕ್ಷೆಯನ್ನು ಪ್ರತಿವರ್ಷ ಬರೆಯುತ್ತಾರೆ. ಒಂದು ಬಾರಿ ಅರ್ಹತೆ ಪಡೆಯದವರು ಮತ್ತೆ ಮತ್ತೆ ಪ್ರಯತ್ನಗಳನ್ನು ಮುಂದುವರೆಸುತ್ತಾರೆ. ಅವರ ಜ್ಞಾನವು, ಅನುಭವವು, ಪರೀಕ್ಷೆಯನ್ನು ಎದುರಿಸುವ ಎಲ್ಲ ತಂತ್ರಗಳು ಅಷ್ಟೇ ಶಾರ್ಪ್‌ ಆಗುತ್ತವೆ. ಆದ್ದರಿಂದ ಈ ಪರೀಕ್ಷೆಯನ್ನು ಗೆಲ್ಲಲು ತಾನು ಅರ್ಹತೆ ಇರುವವರೆಗೆ ಛಲ ಬಿಡದೇ ಓದಿ ಯಶಸ್ಸು ಪಡೆಯುತ್ತೇನೆ ಎಂದೇ ನಿರ್ಧಾರ ಮಾಡಿ ಓದಲು ನಿರ್ಧರಿಸಬೇಕು.