ಬಸ್​ನಲ್ಲಿಯೇ ಗಿಡಗಳನ್ನು ಬೆಳೆಸುವ ಮೂಲಕ ಮಿನಿ ಗಾರ್ಡನ್​​ ಸೃಷ್ಟಿ ಮಾಡಿದ ಚಾಲಕ

•   Mon, May 06 2019 11:35:49 PM



• ಬೆಂಗಳೂರು, ಮೇ06(Daijiworld News/SS): ಪ್ರಯಾಣಿಕರಲ್ಲಿ ಪರಿಸರ ಬಗ್ಗೆ ಜಾಗೃತಿ ಮೂಡಿಸುವ ಸಲುವಾಗಿ ಚಾಲಕ ಬಸ್​ನಲ್ಲಿ ಗಿಡದ ಕುಂಡಗಳನ್ನು ಬೆಳೆಸಿ ಎಲ್ಲರ ಗಮನ ಸೆಳೆದಿದ್ದಾರೆ.

  

  ನಾರಾಯಣಪ್ಪ ಬೆಂಗಳೂರು ಮಹಾನಗರ ಸಾರಿಗೆ ಸಂಸ್ಥೆಯ ಬಸ್​​ನಲ್ಲಿಯೇ ಮಿನಿ ಉದ್ಯಾನವನ ಸೃಷ್ಟಿಸಿ ಪರಿಸರ ಪ್ರೇಮಿಗಳ ಗಮನ ಸೆಳೆದಿರುವ ಚಾಲಕ.

  ಪರಿಸರದ ಮೇಲಿನ ಕಾಳಜಿಯಿಂದ ನಾರಾಯಣಪ್ಪ ಎಂಬ ಚಾಲಕ ಕಳೆದ 4 ವರ್ಷಗಳಿಂದ ಬಸ್​ನಲ್ಲಿ ಗಿಡಗಳನ್ನು ಬೆಳೆಸುವ ಮೂಲಕ ಮಿನಿ ಗಾರ್ಡನ್​​ ಸೃಷ್ಟಿಮಾಡಿದ್ದಾರೆ. ಕಾವಲ ಬೈರಸಂದ್ರ ಮತ್ತು ಯಶವಂತಪುರ ಮಾರ್ಗದಲ್ಲಿ ಚಲಿಸುವ ಬಸ್​ನಲ್ಲಿ ಮಿನಿ ಗಾರ್ಡನ್​​​ ಕಂಡ ಅನೇಕ ಪ್ರಯಾಣಿಕರು ಅಚ್ಚರಿಗೊಂಡಿದ್ದಾರೆ.

  ಈ ಬಗ್ಗೆ ಪ್ರತಿಕ್ರಿಯಿಸಿರುವ ಚಾಲಕ, ಜನರಲ್ಲಿ ಪರಿಸರ ಬಗ್ಗೆ ಜಾಗೃತಿ ಮೂಡಿಸುವ ಸಲುವಾಗಿ 3-4 ವರ್ಷಗಳಿಂದ ಈ ರೀತಿಯ ಕೆಲಸ ಮಾಡುತ್ತಿದ್ದೇನೆ ಎಂದು ತಿಳಿಸಿದ್ದಾರೆ.

  ಚಾಲಕನ ಪರಿಸರ ಜಾಗೃತಿಯ ಬಗ್ಗೆ ಮೆಚ್ಚುಗೆ ವ್ಯಕ್ತಪಡಿಸಿದ ಪ್ರಯಾಣಿಕರು ಮಿನಿ ಗಾರ್ಡನ್​​ ಪೋಟೊಗಳನ್ನು ಟ್ವಿಟರ್​​ನಲ್ಲಿ ಪೋಸ್ಟ್​​ ಮಾಡಿದ್ದು, ಸಾಕಷ್ಟು ವೈರಲ್​​​​ ಆಗಿವೆ. ಮಾತ್ರವಲ್ಲ, ಪರಿಸರ ಪ್ರೇಮಿಗಳು ಚಾಲಕನ ಪರಿಸರ ಕಾಳಜಿಯ ಬಗ್ಗೆ ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ.