ಛಲಬಿಡದೆ UPSC ಪರೀಕ್ಷೆಯಲ್ಲಿ ತೇರ್ಗಡೆಯಾದ ಅಭಿಲಾಷಾ ಶರ್ಮಾ

•   Mon, May 06 2024 08:42:23 AM



• ಹರಿಯಾಣ, ಮೇ.6(DaijiworldNews/AK): ಅಭಿಲಾಷಾ ಶರ್ಮಾ ಹುಟ್ಟಿ ಬೆಳೆದದ್ದು ಹರಿಯಾಣದಲ್ಲಿ. ಕಠಿಣವಾದ ಐಎಎಸ್/ ಐಪಿಎಸ್ ಆಗಲು UPSC ಪರೀಕ್ಷೆಗಳಲ್ಲಿ ಉತ್ತೀರ್ಣರಾಗಬೇಕು. ಅವರು ಆರಂಭಿಕ ಪ್ರಯತ್ನಗಳಲ್ಲಿ ಕಷ್ಟಗಳನ್ನು ಎದುರಿಸಿ, ಯಶಸ್ಸು ಸಾಧಿಸಿದ್ದಾರೆ. ಅವರು ತಮ್ಮ ನಾಲ್ಕನೇ ಪ್ರಯತ್ನದಲ್ಲಿ ಯುಪಿಎಸ್ಸಿ ಪರೀಕ್ಷೆಯಲ್ಲಿ ತೇರ್ಗಡೆಯಾಗಿದ್ದಾರೆ. ಅವರ ಸಕ್ಸಸ್‌ ಸ್ಟೋರಿ ಇಲ್ಲಿದೆ.

  

  

  UPSC ಯಲ್ಲಿ ಅಭಿಲಾಷಾ ಅವರ ಮೊದಲ ಪ್ರಯತ್ನ 2013 ರಲ್ಲಿ ನಡೆದಿತ್ತು. ಅದಾದ ಮೇಲೆ ಸತತ ಮೂರು ಪ್ರಯತ್ನಗಳು ವಿಫಲವಾದವು. ಅದರಿಂದ ಅವರು ಸಂದಿಗ್ಧತೆಗೆ ಸಿಲುಕಿದರು. ಆದಾಗ್ಯೂ, ತಮ್ಮನ್ನು ತಾನೇ ಹುರಿದುಂಬಿಸುತ್ತಾ, ಅವರು ದಿನದಲ್ಲಿ 15 ರಿಂದ 16 ಗಂಟೆಗಳ ಕಾಲ ಶ್ರಮದಾಯಕ ಅಧ್ಯಯನಗಳಿಗೆ ಮೀಸಲಿಡಲು ಪ್ರಾರಂಭಿಸಿದಳು. ಅವರು ಅಂತರರಾಷ್ಟ್ರೀಯ ಸಂಬಂಧಗಳು ಮತ್ತು ರಾಜಕೀಯ ವಿಜ್ಞಾನವನ್ನು ತನ್ನ ಐಚ್ಛಿಕ ವಿಷಯಗಳಾಗಿ ಆರಿಸಿಕೊಂಡಿದ್ದರು 

  ತನ್ನ ನಾಲ್ಕನೇ ಪ್ರಯತ್ನದಲ್ಲಿ, ಅಭಿಲಾಷಾ ಪ್ರಭಾವಶಾಲಿಯಾಗಿ ಅಖಿಲ ಭಾರತ ಮಟ್ಟದಲ್ಲಿ AIR 68 ಶ್ರೇಣಿಯನ್ನು ಪಡೆದರು. ಈ ಮಧ್ಯೆ, 2017 ರಲ್ಲಿ ಅಭಿಲಾಷಾ ವಿವಾಹವಾದರು. ತಮ್ಮ ಪತಿ ಅಂಕಿತ್‌ಗೆ ತನ್ನ ಯಶಸ್ಸನ್ನು ಅಂಕಿತಗೊಳಿಸಿದರು. ಅಭಿಲಾಷಾ ಪ್ರಕಾರ ಅವರ ಸಂಬಂಧವು ಸ್ನೇಹದಿಂದ ಪ್ರೀತಿಗೆ ತಿರುಗಿತ್ತು. ಮುಂದೆ ಮದುವೆಯಲ್ಲಿ ಕೊನೆಗೊಂಡಿತು. ಐಎಎಸ್ ಅಧಿಕಾರಿಯಾಗಬೇಕೆಂಬ ಹಂಬಲದಲ್ಲಿ ಅಭಿಲಾಷಾಳನ್ನು ಮನಃಪೂರ್ವಕವಾಗಿ ಬೆಂಬಲಿಸಿದ ಪ್ರೇರಕ ಅಂಶವೆಂದರೆ ಅಂಕಿತ್.

  ಐಎಎಸ್‌ ಆಕಾಂಕ್ಷಿಗಳಿಗೆ ದಿನಪತ್ರಿಕೆಗಳನ್ನು ಓದುವುದನ್ನು ದಿನಚರಿಯಾಗಿ ಮಾಡಿಕೊಳ್ಳುವಂತೆ ಮತ್ತು ಪ್ರಚಲಿತ ವಿದ್ಯಮಾನಗಳ ಕುರಿತು ಮಾಹಿತಿ ಪಡೆಯುವಂತೆ ಅಭಿಲಾಷಾಗೆ ಅವರು ಸಲಹೆ ನೀಡಿದ್ದಾರೆ. ಅಧ್ಯಯನ ಮಾಡುವಾಗ ಸರಿಯಾಗಿ ಗಮನ ಕೇಂದ್ರೀಕರಿಸದಿದ್ದರೆ ಅದು ದೊಡ್ಡ ಅಡಚಣೆಯಾಗಬಹುದು ಎಂದು ಅಭಿಲಾಷಾ ಜೋಡಿ ಚೆನ್ನಾಗಿ ಅರಿತಿದ್ದರು. ಅದರಂತೆ ಕಠಿಣ ಪರಿಶ್ರಮ ಹಾಕಿ, 68 ಶ್ರೇಣಿಯಲ್ಲಿ UPSC ಪಾಸ್ ಮಾಡಿದ್ದಾರೆ.