ರಾಜ್ಯದಲ್ಲಿ 69.56 ಶೇಕಡಾವಾರು ಮತದಾನ; ಚುನಾವಣಾ ಆಯೋಗ

•   Sat, Apr 27 2024 06:56:31 PM



• ಬೆಂಗಳೂರು, ಏ.27(DaijiworldNews/AA): ರಾಜ್ಯದ 14 ಲೋಕಸಭಾ ಕ್ಷೇತ್ರಗಳಿಗೆ ಶುಕ್ರವಾರ ಮತದಾನ ನಡೆದಿದೆ. ಈ ಮತದಾನದಲ್ಲಿ 69.56 ಪ್ರತಿಶತ ಮತದಾರರು ಮತ ಚಲಾಯಿಸಿದ್ದಾರೆ ಎಂದು ಮತದಾನ ಪ್ರಮಾಣದ ಪರಿಷ್ಕೃತ ವರದಿಯನ್ನು ಚುನಾವಣಾ ಆಯೋಗ ಪ್ರಕಟಿಸಿದೆ. 

  

  ಮಂಡ್ಯ ಕ್ಷೇತ್ರದಲ್ಲಿ ಅತಿ ಹೆಚ್ಚು ಮತದಾರರು ಮತ ಚಲಾಯಿಸಿದ್ದಾರೆ. ಬೆಂಗಳೂರಿನಲ್ಲಿ ಕಳೆದ ಬಾರಿಯಂತೆಯೇ ಜನರಿಂದ ಉತ್ತಮ ಪ್ರತಿಕ್ರಿಯೆ ದೊರೆತಿಲ್ಲ. ಬೆಂಗಳೂರು ಗ್ರಾಮಾಂತರ ಹೊರತುಪಡಿಸಿದರೆ, ಉಳಿದ 3 ಕ್ಷೇತ್ರಗಳಲ್ಲೂ ಮತದಾನದ ಪ್ರಮಾಣ ಶೇಕಡ 60 ದಾಟಿಲ್ಲ. 

  ಉಡುಪಿ-ಚಿಕ್ಕಮಗಳೂರು ಶೇ. 77.15, ಹಾಸನ ಶೇ. 77.68, ದಕ್ಷಿಣ ಕನ್ನಡ ಶೇ. 77.56, ಚಿತ್ರದುರ್ಗ ಶೇ. 73.30, ತುಮಕೂರು ಶೇ. 78.05, ಮಂಡ್ಯ ಶೇ. 81.67, ಮೈಸೂರು ಶೇ. 70.62, ಚಾಮರಾಜನಗರ ಶೇ. 76.81, ಬೆಂಗಳೂರು ಗ್ರಾಮಾಂತರ ಶೇ. 68.30, ಬೆಂಗಳೂರು ಉತ್ತರ ಶೇ. 54.45, ಬೆಂಗಳೂರು ಕೇಂದ್ರ ಶೇ. 54.06, ಬೆಂಗಳೂರು ದಕ್ಷಿಣ ಶೇ. 53.17, ಚಿಕ್ಕಬಳ್ಳಾಪುರ ಶೇ. 77.00, ಕೋಲಾರ ಶೇ. 78.27 ರಷ್ಟು ಮತದಾನ ನಡೆದಿದೆ.