ಶೇಮ್ ಆನ್ ಪಿಎಂ ಮೋದಿ-ರಾಜೀವ್ ಗಾಂಧಿ ಕುರಿತ ಹೇಳಿಕೆಗೆ ರಮ್ಯಾ ತಿರುಗೇಟು

•   Sun, May 05 2019 04:55:21 PM



• ನವದೆಹಲಿ,ಮೇ05(DaijiworldNews/AZM): ಮಾಜಿ ಪ್ರಧಾನಿ ರಾಜೀವ್ ಗಾಂಧಿ ಅವರ ಜೀವನವು ನಂ.1 ಭ್ರಷ್ಟಾಚಾರಿ ಎಂಬ ಕಳಂಕದಲ್ಲೇ ಕೊನೆಗೊಂಡಿತು ಎನ್ನುವ ಪ್ರಧಾನಿ ಮೋದಿ ಅವಹೇಳನಕಾರಿ ಹೇಳಿಕೆಗೆ ಸಾಮಾಜಿಕ ಜಾಲತಾಣಗಳಲ್ಲಿ ಟೀಕಾ ಪ್ರಹಾರವೇ ಹರಿದು ಬರುತ್ತಿದ್ದು, ಮಾಜಿ ಸಂಸದೆ,ನಟಿ ರಮ್ಯಾ ಅವರು ಕೂಡಾ ತಿರುಗೇಟು ನೀಡಿದ್ದು, ಶೇಮ್ ಆನ್ ಪಿಎಂ ಮೋದಿ ಎಂದು ಕಿಡಿಕಾರಿದ್ದಾರೆ.

  

  ಈ ಕುರಿತು ಸರಣಿ ಟ್ವೀಟ್ ಮಾಡಿರುವ ರಮ್ಯಾ, ರಾಜೀವ್ ಗಾಂಧಿಗೆ ಎಲ್ಲರೂ ತುಂಬಾ ಗೌರವ ನೀಡುತ್ತಿದ್ದರು. ಅವರು ಮಾನವೀಯ ಗುಣಗಳನ್ನು ಹೊಂದಿದ್ದರು. ಅಂತಹ ಗುಣಗಳನ್ನು ಹೊಂದಿದ್ದ ಅವರಿಂದ ನೀವು ಕಲಿಯುವುದು ಬಹಳವಿದೆ. ಶೇಮ್ ಆನ್ ಪಿಎಂ ಮೋದಿ ಎಂದು ಕಿಡಿಕಾರಿದ್ದಾರೆ.

  ರಾಜೀವ್ ಗಾಂಧಿ ಬಗ್ಗೆ ಮೋದಿ ಆ ರೀತಿ ಹೇಳಿಕೆ ನೀಡಿದರೆ ಯಾರೊಬ್ಬರೂ ನಂಬುವುದಿಲ್ಲ. ಚುನಾವಣೆಗಾಗಿ ಪ್ರಧಾನಿ ಮೋದಿ ತೀರಾ ಕೆಳಮಟ್ಟಕ್ಕೆ ಇಳಿದಿದ್ದಾರೆ. ರಾಜೀವ್ ಗಾಂಧಿ ಪೂಜ್ಯರು. ಗೌರವನ್ವಿರು ಮತ್ತು ಪ್ರೀತಿ ಪಾತ್ರರು ಎಂಬ ವಿಚಾರವನ್ನು ಮೋದಿಗೆ ನೆನಪಿಸಲು ಬಯಸುತ್ತೇನೆ. ಅವರೊಬ್ಬ ಒಳ್ಳೆಯ ಮನುಷ್ಯರಾಗಿದ್ದರು ಎನ್ನುವುದನ್ನು ಅವರಿಂದ ನೀವು ದೂರವಾಗಿಸಲು ಸಾಧ್ಯವಿಲ್ಲ. ಆದರೆ ಅವರಿಂದ ನೀವು ಕಲಿಯಬೇಕಿದೆ ಎಂದೂ ರಮ್ಯಾ ಟ್ವೀಟ್ ಮಾಡಿದ್ದಾರೆ.