ಬಿಜೆಪಿ ನಾಯಕನನ್ನು ಗುಂಡಿಕ್ಕಿ ಕೊಂದ ಉಗ್ರರು

•   Sun, May 05 2019 01:37:21 PM



• ಶ್ರೀನಗರ,ಮೇ05(DaijiworldNews/AZM): ಬಿಜೆಪಿ ನಾಯಕರೋರ್ವರನ್ನು ಉಗ್ರರು ಗುಂಡಿಕ್ಕಿ ಹತ್ಯೆ ಮಾಡಿರುವ ಘಟನೆ ನಡೆದಿದೆ.

  

  ಬಿಜೆಪಿ ಉಪಾಧ್ಯಕ್ಷ ಗುಲ್ ಮೊಹಮ್ಮದ್ ಮೀರ್( 55) ಮೃತ ಬಿಜೆಪಿ ನಾಯಕ.ಇವರು ದಕ್ಷಿಣ ಕಾಶ್ಮೀರದ ಅನಂತ್ ನಾಗ್ ಜಿಲ್ಲೆಯ ಬಿಜೆಪಿ ಉಪಾಧ್ಯಕ್ಷರಾಗಿದ್ದರು.

  ಅನಂತ್​ನಾಗ್​ ಜಿಲ್ಲೆಯ ನೌಗಮ್​ನಲ್ಲಿರುವ ಗುಲ್ ಮೊಹಮ್ಮದ್ ಅವರ ಮನೆಗೆ ನುಗ್ಗಿದ ಮೂವರು ಉಗ್ರರು ಅವರ ಕಾರಿನ ಕೀ ಕೇಳಿದ್ದಾರೆ. ಬಳಿಕ ಕಾರ್ ತೆಗೆದುಕೊಂಡು ಹೋಗುವ ಸಂದರ್ಭದಲ್ಲಿ ಗುಂಡಿಕ್ಕಿ ಹತ್ಯೆ ಮಾಡಿ ಪರಾರಿಯಾಗಿದ್ದಾರೆ. ಆ ಕ್ಷೇತ್ರದಲ್ಲಿ ಗುಲ್ ಮೊಹಮ್ಮದ್ ಮೀರ್ 'ಅಟಲ್' ಎಂದೇ ಹೆಸರಾಗಿದ್ದರು.

  ಗುಲ್ ಮೊಹಮ್ಮದ್ ಅವರನ್ನು ಕೂಡಲೇ ಆಸ್ಪತ್ರೆಗೆ ಸಾಗಿಸಲಾಯಿತಾದರೂ ಮಾರ್ಗಮಧ್ಯೆಯಲ್ಲೇ ಕೊನೆಯುಸಿರೆಳೆದರು. ಅವರ ಎದೆಗೆ ಮೂರು ಗುಂಡು ಹಾಗೂ ಹೊಟ್ಟೆಗೆ ಎರಡು ಗುಂಡು ಸೇರಿ ಒಟ್ಟು ಐದು ಗುಂಡುಗಳನ್ನು ಹಾರಿಸಲಾಗಿದೆ. ಸದ್ಯ ಶಂಕಿತ ಉಗ್ರರನ್ನು ಬಂಧಿಸಲು ಭದ್ರತಾ ಪಡೆ ನೌಗಾಂ ಪ್ರದೇಶವನ್ನು ಸುತ್ತುವರೆದಿದ್ದು, ಉಗ್ರರಿಗಾಗಿ ಶೋಧ ಕಾರ್ಯ ಮುಂದುವರಿದಿದೆ.