ಸಿಕ್ಕಾಪಟ್ಟೆ ವೈರಲ್ ಆಗುತ್ತಿದೆ ಹಳ್ಳಿ ಹುಡುಗನ 'ಮೋದಿ ಫಿರ್ ಆಯೇಗಾ' ರ‍್ಯಾಪ್ ಸಾಂಗ್

•   Fri, May 03 2019 04:34:20 PM



• ನವದೆಹಲಿ, ಮೇ03(Daijiworld News/SS): ಹಳ್ಳಿಯ ಪುಟ್ಟ ಹುಡುಗನೊಬ್ಬ ಕುತ್ತಿಗೆಗೊಂದು ಕೆಂಪು ಬಣ್ಣದ ಟವೆಲ್ ಸುತ್ತಿ 'ಮೋದಿ ಫಿರ್ ಆಯೇಗಾ' ಎಂದು ಹಾಡಿರುವ ರ‍್ಯಾಪ್ ​ ಸಾಂಗ್​ ವಿಡಿಯೋ ಟ್ವಿಟ್ಟರ್​ನಲ್ಲಿ ಬಾರಿ ವೈರಲ್ ಆಗಿದೆ.

  

  ಚೌಕಿದಾರ್​ ಸ್ಕ್ವಿಂಟಿ ಎಂಬವರು ತಮ್ಮ ಟ್ವಿಟ್ಟರ್​ ಖಾತೆಯಲ್ಲಿ ಈ ವಿಡಿಯೋ ಅಪ್​ಲೋಡ್​ ಮಾಡಿಕೊಂಡಿದ್ದಾರೆ. ರಣವೀರ್​ ಸಿಂಗ್ ಅಭಿನಯದ 'ಗಲ್ಲಿ ಬಾಯ್' ಸಿನಿಮಾದ 'ಅಪನಾ ಟೈಂ ಆಯೇಗಾ' ಹಾಡಿಗೆ ಮೋದಿ ಕುರಿತಾದ ಸಾಹಿತ್ಯ ಬರೆದು ಹಾಡಿರುವ 'ಮೋದಿ ಫಿರ್ ಆಯೇಗಾ' ರ‍್ಯಾಪ್ ಸಾಂಗ್​ ಈಗ ಎಲ್ಲೆಡೆ ಹರಿದಾಡುತ್ತಿದೆ.

  ಹಳ್ಳಿಯಲ್ಲಿ ತೆಗೆದ ವಿಡಿಯೋ ಇದಾಗಿದ್ದು, ಮೋದಿ ಸಾಧನೆ ಮತ್ತು ವ್ಯಕ್ತಿತ್ವದ ಬಗ್ಗೆ ಈ ಪುಟ್ಟ ಹುಡುಗ ಅದ್ಭುತವಾಗಿ ಹಾಡಿದ್ದಾನೆ. ಈಗಾಗಲೇ ಸಾಮಾಜಿಕ ಜಾಲತಾಣದಲ್ಲಿ ಈ ಹಾಡು ಸದ್ದು ಮಾಡುತ್ತಿದೆ. ಜೊತೆಗೆ ನರೇಂದ್ರ ಮೋದಿ​ ಅಭಿಮಾನಿಗಳು ಕೂಡ ಈ ವಿಡಿಯೋವನ್ನು ಶೇರ್ ಮಾಡುತ್ತಿದ್ದಾರೆ.

  ಮಾತ್ರವಲ್ಲ, ನಿಕುಂಜ್​ ಪಟೇಲ್​ ಎಂಬುವವರು ಈ ವಿಡಿಯೋವನ್ನು ಶೇರ್​ ಮಾಡಿಕೊಂಡಿದ್ದು, ಈ ಹುಡುಗನನ್ನು ಪ್ರಮಾಣವಚನ ಸಮಾರಂಭಕ್ಕೆ ಆಹ್ವಾನಿಸಬೇಕು ಎಂದು ಬರೆದು ಅಮಿತ್​ ಶಾ ಮತ್ತು ನರೇಂದ್ರ ಮೋದಿ ಜೊತೆ ಟ್ಯಾಗ್​ ಮಾಡಿದ್ದಾರೆ.