ಕೇಜ್ರಿವಾಲ್​ಗೆ ಸಮನ್ಸ್ ನೀಡಿದ ದೆಹಲಿ ಕೋರ್ಟ್​; ಮಾ. 16ಕ್ಕೆ ಹಾಜರಾಗಲು ಸೂಚನೆ

•   Thu, Mar 07 2024 01:28:07 PM



• ನವದೆಹಲಿ, ಮಾ 07 (DaijiworldNews/AA): ಲಿಕ್ಕರ್ ನೀತಿ ಹಗರಣಕ್ಕೆ ಸಂಬಂಧಿಸಿದಂತೆ ವಿಚಾರಣೆಗೆ ಜಾರಿ ನಿರ್ದೇಶನಾಲಯ ದೆಹಲಿ ಸಿಎಂ ಅರವಿಂದ್ ಕೇಜ್ರಿವಾಲ್ ಅವರಿಗೆ ಹಲವು ಬಾರಿ ಸಮನ್ಸ್ ನೀಡಿತ್ತು. ಇದಕ್ಕೆ ಸ್ಪಂದಿಸದ ಕೇಜ್ರಿವಾಲ್ ಅವರಿಗೆ ಇದೀಗ ಸ್ವತಃ ದೆಹಲಿ ಕೋರ್ಟ್​ ಸಮನ್ಸ್ ನೀಡಿದ್ದು, ಮಾರ್ಚ್ 16ಕ್ಕೆ ಕೋರ್ಟ್​ಗೆ ಹಾಜರಾಗುವಂತೆ ಸೂಚಿಸಿದೆ.

  ಜಾರಿ ನಿರ್ದೇಶನಾಲಯವು ಎಂಟು ಬಾರಿ ಕೇಜ್ರಿವಾಲ್ ಅವರಿಗೆ ಸಮನ್ಸ್ ನೀಡಿತ್ತು. ಆದರೆ ಕೇಜ್ರಿವಾಲ್ ಅವರು ಸ್ಪಂದಿಸುತ್ತಿಲ್ಲ ಎಂದು ಇಡಿ ದೂರು ದಾಖಲು ಮಾಡಿತ್ತು. ಈ ಹಿನ್ನೆಲೆ ದೆಹಲಿ ಕೋರ್ಟ್ ಇದೀಗ ಸ್ವತಃ ಸಮನ್ಸ್ ಹೊರಡಿಸಿದೆ.

  ಮಾರ್ಚ್ 4ಕ್ಕೆ ಎಂಟನೇ ಬಾರಿ ಇಡಿ ಕೇಜ್ರಿವಾಲ್ ಅವರಿಗೆ ಸಮನ್ಸ್ ನೀಡಿತ್ತು. ಮೊದಲು ಮೂರು ಬಾರಿ ನೀಡಿದ ಸಮನ್ಸ್​ಗೆ ಕೇಜ್ರೀವಾಲ್ ಹಾಜರಾಗದ ಹಿನ್ನೆಲೆ ಸ್ಥಳೀಯ ಕೋರ್ಟ್​ ಗೆ ಇಡಿ ದೂರು ನೀಡಿತ್ತು. ಆ ಬಳಿಕ ನೀಡಿದ ಐದು ಸಮನ್ಸ್​ಗಳಿಗೂ ಅವರು ಸ್ಪಂದಿಸುತ್ತಿಲ್ಲ ಎಂದು ಇಡಿ ಮತ್ತೊಮ್ಮೆ ದೂರು ನೀಡಿದೆ. ಈ ಹಿನ್ನೆಲೆ ಇದೀಗ ದೆಹಲಿ ನ್ಯಾಯಾಲಯ ಮಾರ್ಚ್ 16ಕ್ಕೆ ಕೋರ್ಟ್ ಗೆ ಹಾಜರಾಗುವಂತೆ ಕೇಜ್ರಿವಾಲ್​ಗೆ ತಿಳಿಸಿದೆ.