ನಮಗೆ ಧರ್ಮದಿಂದ ಮತ ಬೇಡ ನಿಮಗೆ ಮತ ಬೇಕು: ದಿನೇಶ್ ಗುಂಡೂರಾವ್ ವ್ಯಂಗ್ಯ

•   Thu, Feb 22 2024 09:25:47 PM



• ಬೆಂಗಳೂರು, ಫೆ 22(DaijiworldNews/SK): ಕಾಂಗ್ರೆಸ್ ಪಕ್ಷದವರು ಹಿಂದೂ ವಿರೋಧಿಗಳಾದರೇ ನಮಗೆ ಈ ಬಾರಿಯ ವಿಧಾನಸಭೆ ಚುನವಾಣೆಯಲ್ಲಿ ಮತ ಹಾಕಿ ಗೆಲ್ಲಿಸಿದ ಜನರು ಹಿಂದೂ ವಿರೋಧಿಗಳಾ? ಎಂದು ಸಚಿವ ದಿನೇಶ್ ಗುಂಡೂರಾವ್ ಬಿಜೆಪಿ ವಿರುದ್ದ ಕಿಡಿಕಾರಿದ್ದಾರೆ.

  
  ವಿಧಾನಸಭೆಯಲ್ಲಿ ಇಂದು ನಡೆದ ಬಜೆಟ್ ಮೇಲಿನ ಚರ್ಚೆಯ ವೇಳೆ ವಿರೋಧ ಪಕ್ಷದ ನಾಯಕ ಆರ್. ಅಶೋಕ್ ಮಾತಿಗೆ ತಿರುಗೇಟು ನೀಡಿದ ದಿನೇಶ್ ಗುಂಡೂರಾವ್ ಅವರು, ಧರ್ಮದ ಮೇಲೆ ನಿಮಗೆ ಎಷ್ಟು ಭಕ್ತಿ ಇದೆಯೋ ನಮಗೆ ಅಷ್ಟೇ ಭಕ್ತಿ ಇದೆ. ನಾವು ಹಿಂದೂ ವಿರೋಧಿ ಆದರೆ ನಮಗೆ ಓಟ್ ಹಾಕಿದ 42% ಮತದಾರರು ಹಿಂದೂ ವಿರೋಧಿಗಳಾ ಎಂದು ಪ್ರಶ್ನಿಸಿದ್ದಾರೆ.

  ಇನ್ನು ನಮಗೆ ಧರ್ಮದಿಂದ ಮತ ಬೇಡ. ಆದರೆ ನೀವು ಧರ್ಮದ ಹೆಸರು ಮುಂದೆ ಇಟ್ಟುಕೊಂಡು ಮತ ಪಡೆಯುತ್ತಿರಿ ಎಂದಿದ್ದಾರೆ.