ಯುಪಿಯಲ್ಲಿ ಎಸ್ ಟಿಎಫ್ ತಂಡದಿಂದ 4 ಟೈಮ್ ಬಾಂಬ್ ವಶಕ್ಕೆ- ಇಬ್ಬರ ಬಂಧನ

•   Fri, Feb 16 2024 07:25:49 PM



• ಲಕ್ನೋ, ಫೆ 16 (DaijiworldNews/AA): ಸ್ಪೆಷಲ್ ಟಾಸ್ಕ್ ಫೋರ್ಸ್ (ಎಸ್ ಟಿಎಫ್) ತಂಡ 4 ಟೈಮ್ ಬಾಂಬ್ ಗಳನ್ನು ವಶಪಡಿಸಿಕೊಂಡು, ಇಬ್ಬರನ್ನು ಬಂಧಿಸಿದ ಘಟನೆ ಉತ್ತರ ಪ್ರದೇಶದ ಮುಜಾಫರ್ ನಗರದಲ್ಲಿ ನಡೆದಿದೆ.

  ಆರೋಪಿಗಳನ್ನು ನಗರದ ಖಲಾಪರ್ ಪ್ರದೇಶದಲ್ಲಿ ಬಂಧಿಸಲಾಗಿದೆ. ಬಂಧಿತರಲ್ಲಿ ಓರ್ವ ಆರೋಪಿಯನ್ನು ಜಾವೇದ್ ಎಂದು ಗುರುತಿಸಲಾಗಿದೆ. ಈತನಿಂದ 4 ಟೈಮ್ ಬಾಂಬ್ ಗಳನ್ನು ಪೊಲೀಸರು ವಶಕ್ಕೆ ಪಡೆದಿದ್ದಾರೆ.

  ಎಸ್ ಟಿಎಫ್ ತಂಡ ಬಂಧಿಸಿದ ಇಬ್ಬರೂ ಆರೋಪಿಗಳನ್ನು ಎಸ್ ಟಿಎಫ್ ಮತ್ತು ಗುಪ್ತಚರ ಸಂಸ್ಥೆಗಳು ಹೆಚ್ಚಿನ ವಿಚಾರಣೆ ನಡೆಸುತ್ತಿದೆ. ಟೈಮ್ ಬಾಂಬ್ ಗಳನ್ನು ನಿಷ್ಕ್ರಿಯಗೊಳಿಸಲು ಮೀರತ್ ನಿಂದ ಬಾಂಬ್ ನಿಷ್ಕ್ರಿಯ ದಳವನ್ನು ಕರೆಸಲಾಗಿದೆ. ಇನ್ನು ಬಂಧಿತ ಆರೋಪಿಗಳಲ್ಲಿ ಓರ್ವನ ಕೈವಾಡ 2013ರ ಮುಜಾಫರ್ ನಗರ ಗಲಭೆಯಲ್ಲಿಯೂ ಇತ್ತು. ಆ ವೇಳೆಯೂ ಆರೋಪಿಗಳಿಂದ ಬಾಂಬ್ ಗಳನ್ನು ವಶಕ್ಕೆ ಪಡೆಯಲಾಗಿತ್ತು ಎನ್ನಲಾಗಿದೆ.