ಬಿಹಾರ ವಿಧಾನಸಭೆಯ ನೂತನ ಸ್ಪೀಕರ್ ಆಗಿ ಕಿಶೋರ್ ಯಾದವ್ ನೇಮಕ

•   Thu, Feb 15 2024 08:07:51 PM



• ಪಟ್ನಾ, ಫೆ 15(DaijiworldNews/SK): ಬಿಹಾರ ವಿಧಾನಸಭೆಯ ನೂತನ ಸ್ಫೀಕರ್ ಆಗಿ ಬಿಜೆಪಿಯ ಹಿರಿಯ ನಾಯಕ ಕಿಶೋರ್ ಯಾದವ್ ಅವರು ಅವಿರೋಧವಾಗಿ ಆಯ್ಕೆಯಾಗಿದ್ದಾರೆ ಎಂದು ವರದಿಯಾಗಿದೆ.

  ಈ ಬಗ್ಗೆ ಪ್ರತಿಕ್ರಿಯಿಸಿದ ಬಿಹಾರ ಮುಖ್ಯಮಂತ್ರಿ ನಿತೇಶ್ ಕುಮಾರ್ ಅವರು, ನೀವು ಅನುಭವಸ್ಥ ನಾಯಕರು. ನಿಮ್ಮ ಆಯ್ಕೆಗಾಗಿ ಅಭಿನಂದನೆ ಸಲ್ಲಿಸುತ್ತೇನೆ. ಎಲ್ಲ ಶಾಸಕರೂ ನಿಮಗೆ ಬೆಂಬಲವನ್ನು ನೀಡುತ್ತಾರೆ. ನೀವು ಆಡಳಿತ ಹಾಗೂ ವಿರೋಧ ಪಕ್ಷ ಎರಡರ ಅಭಿಪ್ರಾಯಗಳನ್ನೂ ನೀವು ಆಲಿಸುವಿರಿ ಎನ್ನುವುದರಲ್ಲಿ ಅನುಮಾನವಿಲ್ಲ ಎಂದು ತಿಳಿಸಿದ್ದಾರೆ.

  ಇನ್ನು ಉಪ ಮುಖ್ಯಮಂತ್ರಿಗಳಾದ ಸಾಮ್ರಾಟ್ ಚೌಧರಿ ಹಾಗೂ ವಿಜಯ್ ಕುಮಾರ್ ವಿಜಯ್ ಕುಮಾರ್ ಸಿನ್ಹಾ ಅವರೂ ಹೊಸ ಸ್ಫೀಕರ್ ಗೆ ಅಭಿನಂದನೆ ತಿಳಿಸಿದ್ದಾರೆ.