ಕತಾರ್​​ ನಿಂದ ನೌಕಾಪಡೆಯ ಮಾಜಿ ಸಿಬ್ಬಂದಿಗಳ ಬಿಡುಗಡೆಯಲ್ಲಿ ನನ್ನ ಪಾತ್ರವಿಲ್ಲ; ನಟ ಶಾರುಖ್ ಖಾನ್ ಸ್ಪಷ್ಟನೆ

•   Tue, Feb 13 2024 10:19:52 PM



• ಮುಂಬೈ, ಫೆ 13 (DaijiworldNews/AA): ಇತ್ತೀಚೆಗೆ ಕತಾರ್‌ ನಿಂದ ಭಾರತೀಯ ನೌಕಾಪಡೆಯ 8 ಸಿಂಬ್ಬಂದಿಗಳು ಬಿಡುಗಡೆಯಾಗಿದ್ದರು. ಇವರ ಬಿಡುಗಡೆಯ ಹಿಂದೆ ಬಾಲಿವುಡ್ ನಟ ಶಾರುಖ್ ಖಾನ್ ಇದ್ದಾರೆ ಎಂಬ ಸುದ್ದಿ ಹರಿದಾಡುತ್ತಿತ್ತು. ಇದೀಗ ಈ ಕಾರ್ಯದಲ್ಲಿ ನಟನ ಪಾತ್ರವಿಲ್ಲ ಎಂದು ಶಾರುಖ್ ಖಾನ್ ಕಚೇರಿ ಸ್ಪಷ್ಟ ಪಡಿಸಿದೆ.

  ಈ ಬಗ್ಗೆ ನಟ ಶಾರುಖ್ ಖಾನ್ ಅವರ ಮ್ಯಾನೇಜರ್ ಪೂಜಾ ದದ್ಲಾನಿ ಸಾಮಾಜಿಕ ಮಾಧ್ಯಮದಲ್ಲಿ ನಟನ ಹೇಳಿಕೆಯನ್ನು ಹಂಚಿಕೊಂಡಿದ್ದಾರೆ. "ಕತಾರ್‌ ನಿಂದ ಭಾರತದ ನೌಕಾ ಅಧಿಕಾರಿಗಳನ್ನು ಬಿಡುಗಡೆ ಮಾಡುವಲ್ಲಿ ಶಾರುಖ್ ಖಾನ್ ಅವರ ಪಾತ್ರದ ಬಗ್ಗೆ, ಶಾರುಖ್ ಖಾನ್ ಅವರ ಕಚೇರಿಯು ನಟ ಈ ಕಾರ್ಯದಲ್ಲಿ ಪಾಲ್ಗೊಂಡಿರುವಂತಹ ಯಾವುದೇ ಸುದ್ದಿಗಳು ಆಧಾರರಹಿತವಾಗಿದೆ. ಈ ಕಾರ್ಯದಲ್ಲಿ ಭಾಗಿಯಾಗಿರುವವರು ಭಾರತದ ಅಧಿಕಾರಿಗಳು ಮಾತ್ರ. ಈ ವಿಷಯದಲ್ಲಿ ನಟನ ಪಾತ್ರವಿಲ್ಲ. ನೌಕಾಪಡೆಯ ಅಧಿಕಾರಿಗಳು ಮನೆಯಲ್ಲಿ ಸುರಕ್ಷಿತವಾಗಿರುವುದಕ್ಕೆ ನಟ, ಇತರ ಅನೇಕ ಭಾರತೀಯರಂತೆ ಸಂತೋಷಪಡುತ್ತಾರೆ. ನೌಕಾಪಡೆಯ ಅಧಿಕಾರಿಗಳಿಗೆಲ್ಲ ಶುಭಹಾರೈಸುತ್ತೇನೆ" ಎಂದು ಈ ಪೋಸ್ಟ್ ನಲ್ಲಿ ತಿಳಿಸಲಾಗಿದೆ.

  ಇನ್ನು ನಟ ಶಾರುಖ್ ಖಾನ್ ಇತ್ತೀಚೆಗೆ ಮಧ್ಯಪ್ರಾಚ್ಯ ದೇಶಕ್ಕೆ ಭೇಟಿ ನೀಡಿರುತ್ತಾರೆ. ಆದ್ದರಿಂದಲೇ ಅಧಿಕಾರಿಗಳ ಬಿಡುಗಡೆ ಕಾರ್ಯದಲ್ಲಿ ನಟನ ಪಾತ್ರವಿದೆ ಎಂಬ ಸುದ್ದಿ ಹರಡಿತ್ತು.