ಸಣ್ಣ ತಿಲಕವಿಡಿ ಎಂದು ಅರ್ಚಕರನ್ನು ಕೇಳಿಕೊಂಡ ರಾಹುಲ್ ಗಾಂಧಿ : ವೀಡಿಯೋ ವೈರಲ್

•   Wed, Feb 07 2024 08:19:20 PM



• ಭುವನೇಶ್ವರ್, ಫೆ 07 (DaijiworldNews/PC): ಕಾಂಗ್ರೆಸ್ ನಾಯಕ ರಾಹುಲ್‌ ಗಾಂಧಿಯವರು ಒಡಿಶಾದ ಒಂದು ದೇವಾಲಯದಲ್ಲಿ ಸಣ್ಣ ತಿಲಕವಿಡಿ ಎಂದು ಅರ್ಚಕರನ್ನು ಕೇಳಿಕೊಂಡ ವೀಡಿಯೋ ಒಂದು ಸಾಮಾಜಿಕ ಜಾಲತಾಣಗಳಲ್ಲಿ ಸಾಕಷ್ಟು ವೈರಲ್ ಆಗಿದೆ.

  ಕಾಂಗ್ರೆಸ್ ನಾಯಕ ರಾಹುಲ್‌ ಗಾಂಧಿ ಫೆ.7 ರಂದು ಒಡಿಶಾದ ರೂರ್ಕೆಲಾದಲ್ಲಿರುವ ವೇದವ್ಯಾಸ್ ದೇವಸ್ಥಾನಕ್ಕೆ ಭೇಟಿ ನೀಡಿ ಪ್ರಾರ್ಥನೆ ಸಲ್ಲಿಸಿದರು. ದೇಗುಲಕ್ಕೆ ಭೇಟಿ ನೀಡಿ ಅಲ್ಲಿನ ಅರ್ಚಕರ ಜೊತೆ ಸಣ್ಣ ತಿಲಕವನ್ನು ಇಡುವಂತೆ ರಾಹುಲ್‌ ಗಾಂಧಿ ಕೇಳಿಕೊಂಡಿದ್ದಾರೆ ಈ ವೀಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ಸಾಕಷ್ಟು ವೈರಲ್ ಆಗಿದೆ.

  ಮಾಜಿ ಬಿಜೆಪಿ ರಾಷ್ಟ್ರೀಯ ಪ್ರಧಾನ ಕಾರ್ಯದರ್ಶಿ ಸಿ.ಟಿ ರವಿ ಈ ವೀಡಿಯೋವನ್ನು ತಮ್ಮ ಎಕ್ಸ್ ಖಾತೆಯಲ್ಲಿ ಹಂಚಿಕೊಂಡಿದ್ದು “ಚುನಾವಣಾ ಹಿಂದೂ”ರಾಹುಲ್ ಗಾಂಧಿಯವರನ್ನು ಸರಿಯಾಗಿ ನೋಡಿ. ಅವರ ಕೋಪದ ಅಭಿವ್ಯಕ್ತಿ ಹಾಗೂ ಅವರಿಗೆ ಹಿಂದೂ ಧರ್ಮದ ಮೇಲೆ ಇರುವ ದ್ವೇಷವನ್ನು ಕಾಣಬಹುದು.

  ನೀವು ಹಿಂದೂಗಳನ್ನು ತುಂಬಾ ದ್ವೇಷಿಸುತ್ತಿದ್ದರೆ, ದೇವಾಲಯ ಪ್ರವಾಸೋದ್ಯಮದಲ್ಲಿ ಏಕೆ ತೊಡಗುತ್ತೀರಿ?, ಚುನಾವಣೆ ಹತ್ತಿರ ಬಂದಾಗ ಮಾತ್ರ ದೇವಸ್ಥಾನಗಳಿಗೆ ಏಕೆ ಹೋಗುತ್ತೀರಿ ಎಂದು ಪ್ರಶ್ನಿಸಿದ್ದಾರೆ.