ಒಡಿಶಾದಲ್ಲಿ 68 ಸಾವಿರ ಕೋಟಿ ರೂ. ವೆಚ್ಚದ ಯೋಜನೆಗಳಿಗೆ ಪ್ರಧಾನಿ ಮೋದಿ ಚಾಲನೆ

•   Sun, Feb 04 2024 08:02:39 AM



• ಒಡಿಶಾ, ಫೆ 4 (DaijiworldNews/SK): ಒಡಿಶಾದಲ್ಲಿ 68 ಸಾವಿರ ಕೋಟಿ ರೂ. ಕಾಮಗಾರಿಗಳಿಗೆ ಪ್ರಧಾನಿ ಮೋದಿ ಶನಿವಾರದಂದು ಚಾಲನೆ ನೀಡಿದರು.

  ಇದರೊಂದಿಗೆ ₹400 ಕೋಟಿ ವೆಚ್ಚದ ಸಂಬಲ್ಪುರದ ಐಐಎಂನ ಖಾಯಂ ಕ್ಯಾಂಪಸ್, ಪುರಿ-ಸೋನೆಪುರ್ ಸಾಪ್ತಾಹಿಕ ಎಕ್ಸ್ಪ್ರೆಸ್, ರಾಷ್ಟ್ರೀಯ ಗ್ಯಾಸ್ ಗ್ರಿಡ್ ಸೇರಿದಂತೆ ವಿವಿಧ 18 ಯೋಜನೆಗಳಿಗೆ ಉದ್ಘಾಟಿಸಿದರು.

  ಇನ್ನು ಈ ಬಗ್ಗೆ ಮಾತನಾಡಿದ ಪ್ರಧಾನಿ ಮೋದಿ ಅವರು, ಈ ಯೋಜನೆಗಳು ಒಡಿಶಾದ ಯುವಕರಿಗೆ ಪ್ರಯೋಜನಕಾರಿಯಾಗಲಿದ್ದು, ಉದ್ಯೋಗಾವಕಾಶಗಳನ್ನು ಸೃಷ್ಟಿಸುತ್ತವೆ. ಪ್ರತಿ ವಲಯದಲ್ಲೂ ಒಡಿಶಾಗೆ ಕೇಂದ್ರ ಬೆಂಬಲಿಸುತ್ತಿದೆ ಎಂದು ಮೋದಿ ತಿಳಿಸಿದರು.