ನೋಟು ಅಮಾನ್ಯೀಕರಣ ಖಾಸಗಿ ಬಂಡವಾಳದಾರನ್ನು ಲಾಭದಾಯಕರನ್ನಾಗಿ ಮಾಡಿದೆ : ಸುರ್ಜೇವಾಲ

•   Thu, Feb 01 2024 01:08:41 PM



• ನವದೆಹಲಿ, ಫೆ 01 (DaijiworldNews/PC): ಪೇಟಿಎಂ ವಿವಿಧ ನಿಯಮಗಳನ್ನು ಉಲ್ಲಂಘಿಸಿರುವುದರಿಂದ ಪೇಮೆಂಟ್ಸ್ ಬ್ಯಾಂಕ್ ಯಾವುದೇ ಹೊಸ ಖಾತೆ ರಚಿಸಲು ಮತ್ತು ಡೆಪಾಸಿಟ್ ಪಡೆಯುವಂತಿಲ್ಲ ಎಂದು ಆರ್ ಬಿ ಐ ಸೂಚನೆಯನ್ನು ನೀಡಿದ್ದು ಈ ಬೆನ್ನಲೇ ನೋಟು ಅಮಾನ್ಯೀಕರಣ ವಿಪತ್ತನ್ನು ಖಾಸಗಿ ಬಂಡವಾಳದಾರನ್ನು ಲಾಭದಾಯಕರನ್ನಗಿ ಮಾಡಿಕೊಳ್ಳಲು ಅವಕಾಶ ಮಾಡಿಕೊಡಲಾಗಿದೆ ಎಂದು ಕಾಂಗ್ರೆಸ್ ಮತ್ತು ರಾಹುಲ್‍ಗಾಂಧಿ ಹೇಳಿದ್ದು ನಿಜವಾಗುತ್ತಿದೆ ಎಂದು ಎಐಸಿಸಿ ಪ್ರಧಾನ ಕಾರ್ಯದರ್ಶಿ ರಣದೀಪ್ ಸಿಂಗ್ ಸುರ್ಜೇವಾಲ ಪ್ರತಿಪಾದಿಸಿದ್ದಾರೆ.

  ಫೆ. 29ರ ನಂತರ ಪೇಮೆಂಟ್ಸ್ ಬ್ಯಾಂಕ್ ಖಾತೆಗೆ ವ್ಯಾಲಟ್, ಫಾಸ್ಟ್ರಾಗ್ ಇತ್ಯಾದಿ ಪ್ರೀಪೇಯ್ಡ್ ಯಂತ್ರಗಳಿಗೆ ಟಾಪ್‌ಅಪ್ ಹಾಕಿಸುವಂತಿಲ್ಲ ಎಂದು ಆರ್‌ಬಿಐ ನಿರ್ಬಂಧ ವಿಧಿಸಿ ಆದೇಶ ಹೊರಡಿಸಿದ ಬೆನ್ನಲ್ಲೇ ಸದರಿ ಆದೇಶವನ್ನು ಟ್ಯಾಗ್ ಮಾಡಿರುವ ರಣದೀಪ್ ಸಿಂಗ್ ಸುರ್ಜೇವಾಲ ಆರ್‍ ಬಿ ಐ ನ ಆದೇಶದಿಂದ ರಾಹುಲ್‍ಗಾಂಧಿ ಹೇಳಿದ್ದು ನಿಜವಾಗುತ್ತಿದೆ ಎಂದು ಹೇಳಿದರು.

  ನೋಟು ಅಮಾನ್ಯೀಕರಣ, ವಿನಾಶಕಾರಿ ಆದೇಶವಾಗಿತ್ತು. ಈ ವಿಪತ್ತನ್ನು ಅವಕಾಶವನ್ನಾಗಿ ಪರಿವರ್ತಿಸಿಕೊಳ್ಳಲು ಪೇಟಿಎಂ ನಂತಹ ಸಂಸ್ಥೆಗಳು ಪ್ರಧಾನಿ ನರೇಂದ್ರ ಮೋದಿಯವರ ಫೋಟೊದೊಂದಿಗೆ ದೇಶದ ಎಲ್ಲಾ ದಿನಪತ್ರಿಕೆಗಳಿಗೆ ನೂರಾರು ಕೋಟಿ ರೂ. ಖರ್ಚು ಮಾಡಿ ಮುಖಪುಟದ ಜಾಹೀರಾತು ನೀಡಿದ್ದರು.

  ಆದರೆ ಆರ್ ಬಿ ಐ ನ ಆದೇಶದ ನಂತರ ಕೋಟ್ಯಂತರ ಷೇರುದಾರರ ಪರಿಸ್ಥಿತಿ ಏನು ಎಂದು ಸುರ್ಜೆವಾಲ ಪ್ರಶ್ನಿಸಿದ್ದಾರೆ. ಮೋದಿ ಸರ್ಕಾರ ಇದಕ್ಕೆ ಉತ್ತರಿಸಬೇಕೆಂದು ಆಗ್ರಹಿಸಿದ್ದಾರೆ.