ಕಾರು -ಟ್ರಕ್ ಮುಖಾಮುಖಿ ಢಿಕ್ಕಿ- 6 ಮಂದಿ ಸಾವು

•   Sun, Jan 28 2024 04:00:03 PM



• ಚೆನ್ನೈ, ಜ 28 (DaijiworldNews/RA):ಕಾರು ಹಾಗು ಟ್ರಕ್ ಮುಖಾಮುಖಿ ಢಿಕ್ಕಿ ಸಂಭವಿಸಿ 6ಮಂದಿ ಮೃತಪಟ್ಟಿರುವ ಘಟನೆ ಇಂದು ಮುಂಜಾನೆ ತಮಿಳುನಾಡಿನ ಸಿಂಗಿಲಿಪಟ್ಟಿ - ಪುನ್ನಯ್ಯಪುರಂ ನಡುವಿನ ರಸ್ತೆಯಲ್ಲಿ ನಡೆದಿದೆ.

  
  ಕಾರಿನ ಚಾಲಕ ವಾಹನ ಚಾಲನೆ ವೇಳೆ ನಿದ್ರಾ ಮಂಪರಿನಲ್ಲಿದ್ದ ಪರಿಣಾಮ ಮುಂದೆ ಬರುತ್ತಿದ್ದ ಕೇರಳಕ್ಕೆ ಹೋಗುತ್ತಿದ್ದ ಟ್ರಕ್ ಗೆ ಢಿಕ್ಕಿ ಹೊಡೆದು ಈ ಅಪಘಾತ ಸಂಭವಿಸಿದೆ ಎನ್ನಲಾಗಿದೆ.

  ಇನ್ನು ಅಪಘಾತಕ್ಕೆದಲ್ಲಿ ಕಾರಿನಲ್ಲಿ ಪ್ರಯಾಣಿಸುತ್ತಿದ್ದ ಆರು ಜನರಲ್ಲಿ ಐವರು ಸ್ಥಳದಲ್ಲೇ ಸಾವನ್ನಪ್ಪಿದರೆ, ಒಬ್ಬರು ಆಸ್ಪತ್ರೆಗೆ ಸಾಗಿಸುವಾಗ ದಾರಿ ಮಧ್ಯೆ ಮೃತಪಟ್ಟಿದ್ದಾರೆ ಎಂದು ತಿಳಿದು ಬಂದಿದೆ.

  ಪೊಲೀಸರು ಮತ್ತು ಅಗ್ನಿಶಾಮಕ ಮತ್ತು ರಕ್ಷಣಾ ತಂಡಗಳು ಆಗಮಿಸಿ 30 ನಿಮಿಷದಲ್ಲಿ ಮೃತದೇಹಗಳನ್ನು ಹೊರ ತೆಗೆದಿದ್ದಾರೆ.ಸ್ಥಳೀಯ ಪೊಲೀಸ್ ಠಾಣೆಯಲ್ಲಿ ಈ ಬಗ್ಗೆ ಪ್ರಕರಣ ದಾಖಲಾಗಿದ್ದು ತನಿಖೆ ಮುಂದುವರೆದಿದೆ.