ನಿಮ್ಮ ಹಕ್ಕು ನೀವೇ ಚಲಾವಣೆ ಮಾಡಿ, ಸೂಕ್ತ ಜನಪ್ರತಿನಿಧಿ ಆಯ್ಕೆ ಮಾಡಿ - ಹನುಮಂತ

•   Tue, Apr 23 2019 01:39:19 PM



• ಹಾವೇರಿ, ಎ23(Daijiworld News/SS): ಧಾರವಾಡ ಲೋಕಸಭಾ ಕ್ಷೇತ್ರ ವ್ಯಾಪ್ತಿಯ ಚಿಲ್ಲೂರುಬಡ್ನಿಯಲ್ಲಿ ಜನಪದ ಗಾಯಕ, ಕುರಿಗಾಹಿ ಹನುಮಂತ ಲಮಾಣಿ ತಮ್ಮ ಹಕ್ಕು ಚಲಾಯಿಸಿದ್ದಾರೆ. ಈ ಬಾರಿ ಲೋಕಸಭಾ ಚುನಾವಣೆಯ ಮತ ಜಾಗೃತಿ ಅಭಿಯಾನದ ಹಾವೇರಿ ಕ್ಷೇತ್ರದ ರಾಯಭಾರಿಯಾಗಿದ್ದ ಇವರು ತಮ್ಮ ಮೊದಲ ಬಾರಿಯ ಮತದಾನ ಮಾಡಿದರು.

  

  ಮತದಾನ ಮಾಡಿದ ಬಳಿಕ ಸುದ್ದಿಗಾರರೊಂದಿಗೆ ಮಾತನಾಡಿದ ಅವರು, ನಿಮ್ಮ ಹಕ್ಕು ನೀವೇ ಚಲಾವಣೆ ಮಾಡಿ, ಸೂಕ್ತ ಜನಪ್ರತಿನಿಧಿ ಆಯ್ಕೆ ಮಾಡಿ. ಎಲ್ಲರೂ ತಪ್ಪದೇ ಮತದಾನ ಮಾಡಿ. ಪ್ರಜಾಪ್ರಭುತ್ವವನ್ನು ಗೆಲ್ಲಿಸಿ ಎಂದು ಕಿವಿ ಮಾತು ಹೇಳಿದ್ದಾರೆ.

  ಮತ ಜಾಗೃತಿ ಅಭಿಯಾನದ ರಾಯಭಾರಿಯಾಗಿದ್ದ ಇವರು ಜಿಲ್ಲಾಡಳಿತ ಆಯೋಜಿಸಿದ್ದ ಕಾರ್ಯಕ್ರಮದಲ್ಲಿ ಮತವ ಹಾಕು ಮನುಜ ಎಂಬ ಹಾಡಿನ ಮೂಲಕ ಜನರಲ್ಲಿ ಅರಿವು ಮೂಡಿಸಿದ್ದರು.