ವೈದ್ಯ ಹುದ್ದೆಯನ್ನು ತೊರೆದು IAS ಅಧಿಕಾರಿಯಾದ ರೇಣು ರಾಜ್

•   Thu, Jan 18 2024 10:23:45 AM



• ಕೇರಳ, ಜ 18 (DaijiworldNews/RA): ವೈದ್ಯಕೀಯ ವೃತ್ತಿ ತೊರೆದು UPSC ಪರೀಕ್ಷೆ ಬರೆದು IAS ಅಧಿಕಾರಿಯಾದ ಮಹಿಳಾ ಸಾಧಕಿಯೊಬ್ಬರ ಕಥೆಯಿದು. ರೇಣು ರಾಜ್ ಅವರು ತಮ್ಮ ವೃತ್ತಿಜೀವನದಲ್ಲಿ ಮಹತ್ವದ ಬದಲಾವಣೆಯನ್ನು ಮಾಡಿದ್ದಾರೆ.ಸಾರ್ವಜನಿಕ ಸೇವೆ ಮಾಡುವ ಬದ್ಧತೆಯೊಂದಿಗೆ UPSC ಪರೀಕ್ಷೆಗಳನ್ನು ಮುಂದುವರಿಸಲು ರೇಣು ರಾಜ್ ತಮ್ಮ ವೈದ್ಯಕೀಯ ವೃತ್ತಿಯನ್ನು ತೊರೆದಿದ್ದಾರೆ. ರೇಣು ರಾಜ್‌   ಅವರ ಸಕ್ಸಸ್‌ ಸ್ಟೋರಿ ಇಲ್ಲಿದೆ.

  ರೇಣು ರಾಜ್‌ ತನ್ನ ಮೊದಲ ಪ್ರಯತ್ನದಲ್ಲಿ UPSC ಪರೀಕ್ಷೆಗಳನ್ನು ಯಶಸ್ವಿಯಾಗಿ ಉತ್ತೀರ್ಣರಾದರು. ಬಳಿಕ ಕೇರಳದ ಜನಪ್ರಿಯ ಪ್ರವಾಸಿ ತಾಣವಾದ ಮುನ್ನಾರ್ನಲ್ಲಿ ಅಕ್ರಮ ನಿರ್ಮಾಣಗಳು ಮತ್ತು ಭೂ ಅತಿಕ್ರಮಣಗಳ ವಿರುದ್ಧ ತನ್ನ ಬಲವಾದ ನಿಲುವಿನಿಂದಾಗಿ ರೇಣು ಸಾರ್ವಜನಿಕರ ಗಮನ ಸೆಳೆದರು.

  ಸೇಂಟ್ ತೆರೇಸಾದಲ್ಲಿ ತನ್ನ ಮಾಧ್ಯಮಿಕ ಶಿಕ್ಷಣದ ನಂತರ ಕೊಟ್ಟಾಯಂನ ಸರ್ಕಾರಿ ವೈದ್ಯಕೀಯ ಕಾಲೇಜಿನಿಂದ MBBS ಪದವಿಯನ್ನು ಪಡೆದು.
  2013 ರಲ್ಲಿ, ಶಸ್ತ್ರಚಿಕಿತ್ಸಕರಾಗಿ ಅಭ್ಯಾಸ ಮಾಡುವಾಗ ಅವರು UPSC ಪರೀಕ್ಷೆಗಳಲ್ಲಿ ತೊಡಗಿಸಿಕೊಳ್ಳಲು ನಿರ್ಧರಿಸಿದರು. ಅಷ್ಟೇ ಅಲ್ಲದೇ ಮೊದಲ ಪ್ರಯತ್ನದಲ್ಲಿ ಅತ್ಯುತ್ತಮವಾದ ಆಲ್ ಇಂಡಿಯಾ ರ್ಯಾಂಕ್ (AIR) 2 ಅನ್ನು ಸಾಧಿಸಿದರು.

  ಐಎಎಸ್ ಅಧಿಕಾರಿಗಳು ತೆಗೆದುಕೊಳ್ಳುವ ನಿರ್ಧಾರಗಳು ಸಮಾಜದ ಮೇಲೆ ಆಳವಾದ ಪರಿಣಾಮ ಬೀರುತ್ತವೆ. ಅಲ್ಲದೇ ಸುಧಾರಣೆಗೆ ಕೊಡುಗೆ ನೀಡುತ್ತವೆ ಎಂದು ಅವರು ನಂಬುತ್ತಾರೆ.ಆದರೆ ವೈದ್ಯಕೀಯ ಕ್ಷೇತ್ರದಲ್ಲಿನ ಪರಿಣಾಮವು ವೈಯಕ್ತಿಕ ರೋಗಿಗಳ ಚೇತರಿಕೆಗೆ ಸೀಮಿತವಾಗಲಿದೆ ಅನ್ನುವುದು ಅವರ ಅಭಿಪ್ರಾಯ.

  ಪ್ರಸ್ತುತ, ರೇಣು ರಾಜ್ ಕೇರಳದ ಅಲಪ್ಪುಳದ ಜಿಲ್ಲಾಧಿಕಾರಿಯಾಗಿ ಸೇವೆ ಸಲ್ಲಿಸುತ್ತಿದ್ದಾರೆ.ಅವರ ಪತಿ ಶ್ರೀರಾಮ್ ವೆಂಕಟರಾಮನ್ ಕೂಡ UPSC ಟಾಪರ್ ಆಗಿದ್ದಾರೆ.
  ರೇಣು ರಾಜ್ ಅವರು ಆಕಾಂಕ್ಷಿ ಐಎಎಸ್ ಅಭ್ಯರ್ಥಿಗಳ ನೈತಿಕ ಸ್ಥೈರ್ಯವನ್ನು ಹೆಚ್ಚಿಸುವ ಉದ್ದೇಶದಿಂದ ಸ್ಪೂರ್ತಿದಾಯಕ ವೀಡಿಯೊಗಳನ್ನು ಸಹ ರಚಿಸಿದ್ದಾರೆ.