ಭೂತನ್ ಸಂಸತ್ತಿಗೆ ನಡೆದ ಚುನಾವಣೆಯಲ್ಲಿ ಪಿಡಿಪಿ ಸ್ಥಾನ: ಅಭಿನಂದನೆ ಸಲ್ಲಿಸಿದ ಖರ್ಗೆ

•   Wed, Jan 10 2024 11:58:16 AM



• ಬೆಂಗಳೂರು, ಜ 10(DaijiworldNews/SK): ಭೂತನ್ ನಲ್ಲಿ ಸಂಸತ್ತಿಗೆ ನಡೆದ ಸಾರ್ವತ್ರಿಕ ಚುನಾವಣೆಯಲ್ಲಿ ಪೀಪಲ್ಸ್ ಡೆಮಾಕ್ರಟಿಕ್ ಪಾರ್ಟಿ 30 ಸ್ಥಾನಗಳನ್ನು ಗೆದ್ದುಕೊಂಡಿತು. ಈ ವಿಚಾರವಾಗಿ ಪಿಡಿಪಿ ಪಕ್ಷದ ಮುಖಂಡ ಶೇರಿಂಗ್ ಟೊಬ್ಗೆ ಅವರಿಗೆ ಎಐಸಿಸಿ ನಾಯಕ ಮಲ್ಲಿಕಾರ್ಜುನ ಖರ್ಗೆ ಅವರು ಅಭಿನಂದನೆ ಸಲ್ಲಿಸಿದ್ದಾರೆ.

  ಸಾಮಾಜಿಕ ಜಾಲತಾಣದಲ್ಲಿ ಟ್ವೀಟ್ ಮಾಡುವ ಮೂಲಕ ಅಭಿನಂದನೆ ಸಲ್ಲಿಸಿದ ಖರ್ಗೆ ಅವರು, ಪೀಪಲ್ಸ್ ಡೆಮಾಕ್ರಟಿಕ್ ಪಾರ್ಟಿ ಚುನಾವಣೆಯಲ್ಲಿ ಜಯಗಳಿಸಿದ್ದಕ್ಕಾಗಿ ಅಭಿನಂದನೆಗಳು. ಇನ್ನು ಭಾರತ ಹಾಗೂ ಭೂತನ್ ನಡುವಿನ ದ್ವಿಪಕ್ಷೀಯ ಸಂಬಂಧ ಇನಷ್ಟು ಪ್ರಬಲವಾಗಲಿ ಎಂದು ತಿಳಿಸಿದ್ದಾರೆ.

  ಮಾಹಿತಿಯ ಪ್ರಕಾರ, ಭೂತನ್ ನಲ್ಲಿ ನಡೆದ ಚುನಾವಣೆಯಲ್ಲಿ ಸಂಸತ್ತಿನ ಒಟ್ಟು 47 ಸದಸ್ಯ ಸ್ಥಾನಗಳಿದ್ದು, ಇದರಲ್ಲಿ ಪಿಡಿಪಿ ಪಕ್ಷವು 30 ಸ್ಥಾನಗಳನ್ನು ಗೆದ್ದುಕೊಂಡರೆ, ಕಣದಲ್ಲಿದ್ದ ಮತ್ತೊಂದು ಪಕ್ಷ 17 ಸ್ಥಾನವನ್ನು ಪಡೆದುಕೊಂಡಿದೆ.