ನಿರ್ಮಾಣ ಹಂತದ ಚರ್ಚ್ ನ ಸ್ಲ್ಯಾ ಬ್ ಕುಸಿತ- ಓರ್ವ ಸಾವು , 10ಮಂದಿಗೆ ಗಾಯ

•   Mon, Jan 08 2024 03:45:12 PM



• ಹೈದರ್‌ಬಾದ್‌, ಜ 08 (DaijiworldNews/AK):ನಿರ್ಮಾಣ ಹಂತದ ಚರ್ಚ್ ನ ಸ್ಲ್ಯಾ ಬ್ ಕುಸಿದು ಬಿದ್ದ ಪರಿಣಾಮ ಓರ್ವ ವಲಸೆ ಕಾರ್ಮಿಕ ಮೃತಪಟ್ಟಿದ್ದು, ಹತ್ತು ಮಂದಿ ಗಾಯಗೊಂಡಿರುವ ಘಟನೆ ತೆಲಂಗಾಣದ ಸಂಗಾರೆಡ್ಡಿ ಜಿಲ್ಲೆಯಲ್ಲಿ ಸಂಭವಿಸಿದೆ ಎಂದು ವರದಿಯಾಗಿದೆ.

  ಜಿಲ್ಲೆಯ ಕೋಹಿರ್‌ನಲ್ಲಿ ನಿರ್ಮಾಣಗೊಳ್ಳುತಿದ್ದ ಚರ್ಚ್ ನ ಕೆಲಸ ನಿರ್ವಹಿಸುತ್ತಿದ್ದ ಕಾರ್ಮಿಕರ ಗುಂಪು ಸ್ಲ್ಯಾ ಬ್ ಕೆಲಸ ನಡೆಸುತ್ತಿದ್ದ ವೇಳೆ ಏಕಾಏಕಿ ಕುಸಿದು  ಬಿದ್ದು ಅವಘಡ ಸಂಭವಿಸಿದೆ.

  ಈ ವೇಳೆ ಸ್ಲ್ಯಾಬ್ ಕಾರ್ಯ ನಡೆಸುತ್ತಿದ್ದ ಕೆಳ ಭಾಗದಲ್ಲಿ ಕೆಲ ಕಾರ್ಮಿಕರು ಕೆಲಸ ನಿರ್ವಹಿಸುತ್ತಿದ್ದರು. ಸ್ಲ್ಯಾಬ್ ಕುಸಿದು ಬೀಳುವ ವೇಳೆ ಕೆಳಗಡೆ ಇದ್ದ ಕಾರ್ಮಿಕರಿಗೆ ಗಂಭೀರ ಗಾಯಗಳಾಗಿದ್ದು ಈ ವೇಳೆ ಓರ್ವ ಕಾರ್ಮಿಕ ಮೃತಪಟ್ಟಿದ್ದಾನೆ ಎನ್ನಲಾಗಿದೆ.

  ಅಲ್ಲದೆ ಸುಮಾರು ಹತ್ತು ಮಂದಿ ಗಾಯಗೊಂಡಿರುವುದಾಗಿ ವರದಿಯಾಗಿದೆ ಗಾಯಗೊಂಡರವರನ್ನು ಹತ್ತಿರದ ಆಸ್ಪತೆಗೆ ಸಾಗಿಸಲಾಗಿದ್ದು ಚಿಕಿತ್ಸೆ ನೀಡಲಾಗುತ್ತಿದೆ.