ಅನ್ನಭಾಗ್ಯ ಯೋಜನೆಯ ಅಕ್ಕಿಯಿಂದ ಅಯೋಧ್ಯೆಯಲ್ಲಿ ಮಂತ್ರಾಕ್ಷತೆ ತಯಾರಿಸುತ್ತಿದ್ದಾರೆ - ಡಿಕೆಶಿ

•   Sun, Jan 07 2024 02:16:01 PM



• ಬೆಂಗಳೂರು, ಜ 7 (DaijiworldNews/SK): ಅಯೋಧ್ಯೆಯಲ್ಲಿ ರಾಮಲಲ್ಲಾ ವಿಗ್ರಹ ಪ್ರತಿಷ್ಠಾಪನೆ ಜ. 22ರಂದು ನೆರೆವೇರಲಿದೆ. ಆದರೆ ನನಗೆ ಆಹ್ವಾನ ನೀಡಿಲ್ಲ ಎಂದು ಉಪಮುಖ್ಯಮಂತ್ರಿ ಡಿಕೆ ಶಿವಕುಮಾರ್ ಹೇಳಿದ್ದಾರೆ.

  ಬೆಂಗಳೂರಿನಲ್ಲಿ ಸುದ್ದಿಗಾರರೊಂದಿಗೆ ಮಾತನಾಡಿದ ಅವರು, ರಾಮ ಮಂದಿರ ಉದ್ಘಾಟನೆಗೆ ನಮ್ಮನ್ನ ಕರೆದಿಲ್ಲ ಇದರ ಜೊತೆಗೆ ಸಿಎಂ ಸಿದ್ದರಾಮಯ್ಯನವರಿಗೂ ಆಹ್ವಾನವನ್ನು ನೀಡಿಲ್ಲ. ನಾನು ಶಿವ ಭಕ್ತ, ಎಲ್ಲ ದೇವರನ್ನು ನನ್ನ ಹೃದಯದಲ್ಲಿಟ್ಟು ಪೂಜಿಸುತ್ತೇನೆ ಎಂದು ವಾಗ್ದಾಳಿ ನಡೆಸಿದರು.

  ಇನ್ನು ಅಯೋಧ್ಯೆಯಲ್ಲಿ ಮಂತ್ರಾಕ್ಷತೆಗಾಗಿ ನಮ್ಮ ಸರ್ಕಾರದ ಅನ್ನಭಾಗ್ಯ ಯೋಜನೆಯಿಂದಲೇ ನೀಡುವ ಅಕ್ಕಿಯನ್ನು ಬಳಸಿ ಅರಿಶಿನ ಸೇರಿಸಿಯೇ ಮಂತ್ರಾಕ್ಷತೆ ಮಾಡುತ್ತಿದ್ದಾರೆ. ಇದು ಸಂತಸದ ವಿಷಯ ಎಂದು ವ್ಯಂಗ್ಯವಾಡಿದರು.