ನಿಯಂತ್ರಣ ತಪ್ಪಿ ಕಾರು ಪಲ್ಟಿ: ಆರು ಯುವಕರು ಸ್ಥಳದಲ್ಲೇ ಸಾವು, ಇಬ್ಬರು ಗಂಭೀರ

•   Mon, Jan 01 2024 11:58:05 AM



• ಜಮ್ಶೆಡ್‌ಪುರ, ಜ 01 (DaijiworldNews/MS): ಕಾರೊಂದು ನಿಯಂತ್ರಣ ತಪ್ಪಿ ಡಿವೈಡರ್ ಗೆ ಡಿಕ್ಕಿ ಹೊಡೆದ ಪರಿಣಾಮ 6 ಮಂದಿ ಸಾವನ್ನಪ್ಪಿರುವ ಘಟನೆ ಜಮ್ಶೆಡ್‌ಪುರದಲ್ಲಿ ನಡೆದಿದೆ.

  ಅಪಘಾತದ ವೇಳೆ ಕಾರಿನಲ್ಲಿ ಸರೈಕೆಲಾ-ಖಾರ್ಸವಾ ಜಿಲ್ಲೆಯ ಆದಿತ್ಯಪುರದ ನಿವಾಸಿಗಳಾದ ಎಂಟು ಮಂದಿ ಪ್ರಯಾಣಿಸುತ್ತಿದ್ದರು. ಐವರು ಸ್ಥಳದಲ್ಲೇ ಮೃತಪಟ್ಟರೆ ಒಬ್ಬರು ಚಿಕಿತ್ಸೆ ಫಲಕಾರಿಯಾಗದೆ ಸಾವನ್ನಪ್ಪಿದ್ದಾರೆ.

  ಬದುಕುಳಿದ ಇಬ್ಬರು ತೀವ್ರವಾಗಿ ಗಾಯಗೊಂಡಿದ್ದಾರೆ. ಮುಂಜಾನೆ 4:30 ರ ಸುಮಾರಿಗೆ ಘಟನೆ ಸಂಭವಿಸಿದೆ. ಕಾರಿನಲ್ಲಿದ್ದ ಎಲ್ಲಾ ಯುವಕರು ಇಂಡಿಗೋ ರಾಫ್ತಾರ್ ಕಾರಿನ ಮೂಲಕ ಮನೆಯಿಂದ ತಿರುಗಾಟಕ್ಕೆಂದು ತೆರಳಿದ್ದರು. ಆದರೆ ಅವರ ಕಾರು ಬಿಷ್ಟುಪುರದ ಸರ್ಕ್ಯೂ ಟ್ ಹೌಸ್ ಗೋಲ್ಚಕ್ಕ ರ್ ಬಳಿ ನಿಯಂತ್ರಣ ತಪ್ಪಿ ಪಲ್ಟಿಯಾಗಿದೆ.ಹೆಚ್ಚಿ ನ ತನಿಖೆ ನಡೆಯುತ್ತಿದೆ ಎಂದು ಜಮ್ಶೆಡ್ಪುರ ಪೊಲೀಸರು ತಿಳಿಸಿದ್ದಾರೆ.