ಕ್ಷುಲಕ ಕಾರಣಕ್ಕೆ ಕೆಂಪೇಗೌಡ ಏರ್​ಪೋರ್ಟ್​​​ಗೆ ಹುಸಿ ಬಾಂಬ್ ಕರೆ

•   Sat, Dec 30 2023 06:26:03 PM



• ಬೆಂಗಳೂರು, ಡಿ 30 (DaijiworldNews/MR): ಕೆಂಪೇಗೌಡ ಅಂತರಾಷ್ಟ್ರೀಯ ವಿಮಾನ ನಿಲ್ದಾಣಕ್ಕೆ ಹುಸಿ ಬಾಂಬ್ ಕರೆ ಬಂದ ಹಿನ್ನೆಲೆಯಲ್ಲಿ ಆರೋಪಿಯನ್ನು ಪೊಲೀಸರು ವಿಚಾರಣೆ ನಡೆಸಿದ್ದಾರೆ.

  ಕಳೆದುಕೊಂಡಿದ್ದ ಪರ್ಸ್ ವಾಪಸ್​ ಕೊಡಲು ಏರ್​​ಪೋರ್ಟ್​​ ಸಿಬ್ಬಂದಿ ಸತಾಯಿಸಿದ್ದಕ್ಕೆ ಹೀಗೆ ಮಾಡಿದೆ ಎಂದು ಆರೋಪಿ ವಿಚಾರಣೆ ವೇಳೆ ಬಾಯ್ಬಿಟ್ಟಿದ್ದಾನೆ. ಹುಸಿ ಬಾಂಬ್ ಕರೆ ಮಾಡಿದ್ದ ಯುವಕ ಕೋಲ್ಕತ್ತಾ ಮೂಲದ ಶ್ರೇಯಸ್ ಎಂದು ಗುರುತಿಸಲಾಗಿದೆ.

  ಪ್ರಯಾಣ ಮಾಡುವ ವೇಳೆ ಸ್ಪೈಸ್ ಜೆಟ್​ ವಿಮಾನದಲ್ಲಿ ತನ್ನ ಪರ್ಸ್​​ನ್ನ ಕಳೆದುಕೊಂಡಿದ್ದನು. ಬಳಿಕ ವಿಮಾನ ನಿಲ್ದಾಣದ ಅಧಿಕಾರಿಗಳನ್ನ ಸಂಪರ್ಕ ಮಾಡಿ ತನ್ನ ಪರ್ಸ್​ ಬಗ್ಗೆ ಮಾಹಿತಿ ತಿಳಿದುಕೊಂಡಿದ್ದಾನೆ.

  ಪರ್ಸ್​ ಇರುವುದು ಗೊತ್ತಾದ ಮೇಲೆ ವಾಪಸ್ ಪಡೆಯಲು ಬಂದಾಗ ಏರ್​​ಪೋರ್ಟ್​ ಸಿಬ್ಬಂದಿ ಆತನನ್ನು ಸತಾಯಿಸಿದ್ದಾರೆ. ಹೀಗಾಗಿ ಕೋಪದಲ್ಲಿದ್ದ ಆರೋಪಿಯು ಸ್ಪೈಸ್ ಜೆಟ್ ಏರ್​​ಲೈನ್ಸ್​​ ಅಧಿಕಾರಿಗಳಿಗೆ ಕರೆ ಮಾಡಿ ಬಾಂಬ್ ಇಟ್ಟಿರುವುದಾಗಿ ಸುಳ್ಳು ಹೇಳಿದ್ದಾನೆ ಎನ್ನಲಾಗಿದೆ.

  ಸದ್ಯ ಕೆಂಪೇಗೌಡ ಏರ್​ಪೋರ್ಟ್​​ ಪೊಲೀಸರು ಆರೋಪಿಯನ್ನು ವಿಚಾರಣೆ ನಡೆಸಿ ಮಾಹಿತಿ ಪಡೆದು ಆತನನ್ನು ಬಿಟ್ಟು ಕಳುಹಿಸಿದ್ದಾರೆ.