'ಮೋದಿ ಮುಖ ನೋಡಿ ಓಟು ಕೊಡಿ ಎನ್ನುವ ಬಿಜೆಪಿ ಅಭ್ಯರ್ಥಿಗಳೇ ಬುರ್ಖಾ ಹಾಕಿ' - ಜಮೀರ್​ ಅಹಮ್ಮದ್​

•   Sat, Apr 20 2019 03:48:51 PM



• ಹಾವೇರಿ, ಏ 20(Daijiworld News/MSP): ಸಚಿವ ಜಮೀರ್​ ಅಹಮ್ಮದ್​​​ ಬಿಜೆಪಿ ವಿರುದ್ದ ತೀವ್ರ ವಾಗ್ದಾಳಿ ನಡೆಸಿದ್ದಾರೆ. ಮೋದಿ ಮುಖ ನೋಡಿ ಓಟು ಕೊಡಿ ಎಂದು ಕೇಳುತ್ತಾರಲ್ಲ. ಮುಖ ನೋಡಿ ಮಣೆ ಹಾಕೋದಲ್ಲ ಸಾಧನೆಗಳು ಮಾತನಾಡಬೇಕು ಎಂದು ಹೇಳಿದ್ದಾರೆ.

  

  ಹಾವೇರಿಯಲ್ಲಿ ಮೈತ್ರಿ ಅಭ್ಯರ್ಥಿ ಡಿ.ಆರ್.ಪಾಟೀಲ್ ಪರ ಪ್ರಚಾರ ನಡೆಸುವ ವೇಳೆ ಮಾತನಾಡಿದ ಅವರು, ’ ನನ್ನ ಮುಖವನ್ನು ನೋಡುವುದಲ್ಲ, ಮೋದಿಯವರ ಮುಖವನ್ನು ನೋಡಿ ನಿಮ್ಮ ಮತವನ್ನು ನೀಡಿ ಎಂದು ಎರಡು ಬಾರಿ ಸಂಸದರಾದ ಶಿವಕುಮಾರ್ ಉದಾಶಿ ಸೇರಿ ಬಿಜೆಪಿ ಅಭ್ಯರ್ಥಿಗಳೆಲ್ಲರೂ ಇದೇ ಮಾತನ್ನು ಹೇಳುತ್ತಿದ್ದಾರೆ. ವಿಚಿತ್ರ ಎಂದರೆ, 'ಮೋದಿಯ ಮುಖವೇ ಸರಿಯಿಲ್ಲ ಎಂದು ಅವರ ಹೆಂಡತಿಯೇ ಅವರನ್ನು ಬಿಟ್ಟು ಹೋಗಿದ್ದಾರೆ'. ಇನ್ನು ಇವರೆಲ್ಲಾ ಅದೇ ಮೋದಿ ಮುಖ ನೋಡಿ ಓಟು ಕೊಡಿ ಎನ್ನುತ್ತಾರಲ್ಲ ಎಂದು ವ್ಯಂಗ್ಯ ಮಾಡಿದರು.

  ಕಳೆದ 5 ವರ್ಷದಲ್ಲಿ ಪ್ರಧಾನಿ ನರೇಂದ್ರ ಮೋದಿ ಯಾವ ಸಾಧನೆ ಮಾಡಿದ್ದಾರೆ ಎಂದು ಪ್ರಶ್ನಿಸಿದ ಅವರು ಬಿಜೆಪಿ ಅಭ್ಯರ್ಥಿಗಳೇ ಮೋದಿ ಮುಖ ನೋಡಿ ಓಟು ಕೊಡಿ ಎನ್ನುವ ನಿಮಗೆ, ಜನರಿಗೆ ಮುಖ ತೋರಿಸಲು ನಿಮಗೆ ಇಷ್ಟವಿಲ್ಲದಿದ್ದರೆ ಬುರ್ಖಾ ಹಾಕಿಕೊಂಡು ಬನ್ನಿ ಅಂತಾ ಬಿಜೆಪಿ ಅಭ್ಯರ್ಥಿಗಳನ್ನ ಜಮೀರ್​ ಅಹಮ್ಮದ್​ ಹೀಯಾಳಿಸಿದರು.