'ಶಾಸಕ ಯತ್ನಾಳ್ 3ನೇ ಟಿಪ್ಪು ಸುಲ್ತಾನ್'- ಎಂ.ಬಿ.ಪಾಟೀಲ

•   Tue, Dec 26 2023 12:20:11 PM



• ವಿಜಯಪುರ, ಡಿ 26 (DaijiworldNews/AA): 'ಟಿಪ್ಪು ಜಯಂತಿ ಕಾರ್ಯಕ್ರಮದಲ್ಲಿ ಸನ್ಮಾನ ಸ್ವೀಕರಿಸಿದ ಶಾಸಕ ಯತ್ನಾಳ್ ಮೂರನೇ ಟಿಪ್ಪು ಸುಲ್ತಾನ್' ಎಂದು ಸಚಿವ ಎಂ.ಬಿ.ಪಾಟೀಲ ಎಂದು ವಾಗ್ದಾಳಿ ನಡೆಸಿದ್ದಾರೆ.

  ಸಿಎಂ ಸಿದ್ಧರಾಮಯ್ಯ ಎರಡನೇ ಟಿಪ್ಪು ಸುಲ್ತಾನ್ ಎಂಬ ಬಿಜೆಪಿ ಶಾಸಕ ಬಸನಗೌಡ ಯತ್ನಾಳ್ ಅವರ ಹೇಳಿಕೆಗೆ ಸುದ್ದಿಗಾರರಿಗೆ ಪ್ರತಿಕ್ರಿಯೆ ನೀಡಿದ ಅವರು, 'ಟಿಪ್ಪು ಜಯಂತಿ ಕಾರ್ಯಕ್ರಮದಲ್ಲಿ ಶಾಸಕ ಯತ್ನಾಳ್ ಅವರನ್ನು ಸನ್ಮಾನ ಮಾಡಿದ ಚಿತ್ರಗಳಿವೆ. ಈ ಚಿತ್ರಗಳೆಲ್ಲವು ಸಾಮಾಜಿಕ ಜಾಲತಾಣದಲ್ಲಿ ಹರಿದಾಡುತ್ತಿದೆ. ಶಾಸಕ ಯತ್ನಾಳ್ ಅವರು ಮೂರನೇ ಟಿಪ್ಪು' ಎಂದು ತಿರುಗೇಟು ನೀಡಿದ್ದಾರೆ.

  'ಟಿಪ್ಪು ಸುಲ್ತಾನ್ ಬ್ರಿಟಿಷರ ವಿರುದ್ಧ ಹೊರಾಡಿರುವುದು ನಿಜ. ಆ ಇತಿಹಾಸವನ್ನು ಅಳಿಸಲು ಸಾಧ್ಯವಿಲ್ಲ. ಆದರೆ ದೇಶದ ಸ್ವಾತಂತ್ರ್ಯ ಹೋರಾಟದಲ್ಲಿ ಬಿಜೆಪಿ, ಆರ್ ಎಸ್ ಎಸ್ ಸಂಘಟನೆಯವರ ಪಾತ್ರವಿಲ್ಲ. ಅವರೆಲ್ಲ ಬ್ರಿಟೀಷರ ಪರ ಇದ್ದರು' ಎಂದು ಹೇಳಿದರು.