ತಮಿಳುನಾಡಿನಿಂದ ಕೋಲಾರಕ್ಕೆ ಬಂದ ಕಾಡಾನೆಗಳ ಹಿಂಡು- ಜನರಲ್ಲಿ ಆತಂಕ

•   Sun, Dec 10 2023 10:45:00 PM



• ಕೋಲಾರ, ಡಿ 10 (DaijiworldNews/SK): ಇತ್ತೀಚಿನ ದಿನಗಳಲ್ಲಿ ಕಾಡಿನಿಂದ ನಾಡಿಗೆ ಆಹಾರ ಅರಸಿಕೊಂಡು ಕಾಡಾನೆಗಳೂ ಲಗ್ಗೆ ಇಡುತ್ತಿದ್ದು, ಹೀಗಾಗಿ ಸಾರ್ವಜಕ ವಲಯದಲ್ಲಿ ಭಯದ ವಾತಾವರಣ ನಿರ್ಮಾಣವಾಗಿದೆ.

  ತಮಿಳುನಾಡಿನ ಹೊಸೂರು ಅರಣ್ಯದಿಂದ 50ಕ್ಕೂ ಹೆಚ್ಚು ಕಾಡಾನೆಗಳು ಬಂಗಾರಪೇಟೆ ತಾಲೂಕಿನ ಕಾಮಸಮುದ್ರ ಅರಣ್ಯ ಪ್ರದೇಶದತ್ತ ಸಾಗಿ ಬಂದಿದ್ದು, ಕೋಲಾರ ಜಿಲ್ಲೆಯ ಗಡಿ ಗ್ರಾಮಗಳ ಜನರು ಆತಂಕಗೊಂಡಿದ್ದಾರೆ.

  ಈ ಹಿನ್ನಲೆ ಕಾಮಸಮುದ್ರ ಪೊಲೀಸರು ಮತ್ತು ಅರಣ್ಯ ಸಿಬ್ಬಂದಿಗಳು ಜನರು ರಾತ್ರಿ ವೇಳೆ ಮನೆಯಿಂದ ಹೊರ ಹೊಗದಂತೆ ಜೊತೆಗೆ ಇತರ ವೇಳೆಗಳಲ್ಲೂ ಸಂಚಾರಿಸುವಾಗ ಮುಂಜಾಗ್ರತೆ ವಹಿಸುವಂತೆ ಸೂಚನೆ ನೀಡಿದ್ದಾರೆ.