ಸೋಲಿಗೆ ಕುಗ್ಗದೇ, ಯುಪಿಎಸ್ ಸಿ ಪರೀಕ್ಷೆಯಲ್ಲಿ ಉತ್ತೀರ್ಣರಾದ ಪೂಜಾ ರಾಣಾವತ್

•   Mon, Dec 04 2023 09:16:54 AM



• ಪುಣೆ, ಡಿ 04(DaijiworldNews/AA): ಕಠಿಣ ಪರಿಶ್ರಮ ಹಾಗೂ ಛಲವಿದ್ದರೆ ಏನನ್ನು ಬೇಕಾದರೂ ಸಾಧಿಸಬಹುದು ಎನ್ನುವುದಕ್ಕೆ ಯುಪಿಎಸ್ ಸಿ ಪರೀಕ್ಷೆಯಲ್ಲಿ ಸತತ ಸೋಲನ್ನು ಕಂಡು 5ನೇ ಬಾರಿಗೆ ಉತ್ತೀರ್ಣರಾದ ಪೂಜಾ ರಾಣಾವತ್ ಅವರೇ ಸಾಕ್ಷಿ.

  ಪೂಜ ರಾಣಾವತ್ ಅವರು ತಮ್ಮ ಪ್ರಾಥಮಿಕ ಶಿಕ್ಷಣ ಮುಗಿಸಿದ ಬಳಿಕ ಪ್ರೌಢ ಶಿಕ್ಷಣವನ್ನು ಪುಣೆಯಲ್ಲಿಯೇ ಪೂರ್ಣಗೊಳಿಸುತ್ತಾರೆ. ಬಳಿಕ ಪುಣೆಯ ಫರ್ಗುಸನ್ ಕಾಲೇಜಿನಲ್ಲಿ ಮನಃಶಾಸ್ತ್ರದಲ್ಲಿ ಡಿಗ್ರಿಯನ್ನು ಪಡೆಯುತ್ತಾರೆ. ಪೂಜಾ ಅವರು ಕಾಲೇಜು ಶಿಕ್ಷಣದ ಜೊತೆ ಜೊತೆಗೆ ಯುಪಿಎಸ್ ಸಿ ಪರೀಕ್ಷೆ ಬರೆಯಲು ತಯಾರಿ ನಡೆಸುತ್ತಿದ್ದರು.
  
  ಪೂಜಾ ಅವರು ಯುಪಿಎಸ್ ಸಿ ಪ್ರಿಲಿಮ್ಸ್ ಪರೀಕ್ಷೆಯನ್ನು ನಾಲ್ಕು ಬಾರಿ ಬರೆದಿದ್ದು, ಈ ನಾಲ್ಕು ಬಾರಿಯೂ ಪರೀಕ್ಷೆಯಲ್ಲಿ ಉತ್ತೀರ್ಣರಾಗಲು ವಿಫಲರಾಗುತ್ತಾರೆ. ಆದರೆ ಪೂಜಾ ಅವರು ಇವೆಲ್ಲವನ್ನು ಬದಿಗೊತ್ತಿ 2017ರಲ್ಲಿ ಮತ್ತೆ ಐದನೇ ಬಾರಿಗೆ ಪರೀಕ್ಷೆಯನ್ನು ಬರೆಯುತ್ತಾರೆ. ಈ ಮೂಲಕ ಪೂಜಾ ಅವರು ತಮ್ಮ ಐದನೇ ಪ್ರಯತ್ನದಲ್ಲಿ ಉತ್ತೀರ್ಣರಾಗುತ್ತಾರೆ.

  ಪ್ರಸ್ತುತ ಪೂಜಾ ಅವರು ಆದಾಯ ತೆರಿಗೆ ಇಲಾಖೆಯಲ್ಲಿ ಡೆಪ್ಯೂಟಿ ಕಮಿಷನರ್ ಆಗಿ ಸೇವೆ ಸಲ್ಲಿಸುತ್ತಿದ್ದಾರೆ. ಈ ಮೂಲಕ ನಮ್ಮ ಸೋಲನ್ನು ಕೂಡ ಮೆಟ್ಟಿ ನಿಂತು ಸಾಧಿಸಬಹುದು ಎಂಬುದಕ್ಕೆ ಪೂಜಾ ಅವರು ಮಾದರಿಯಾಗಿದ್ದಾರೆ.