ಬೆಂಗಳೂರಿನಲ್ಲಿ ಭಾರೀ ಮಳೆ-ಮರ ಬಿದ್ದು ಬೈಕ್ ಸವಾರ ಮೃತ್ಯು

•   Wed, Apr 17 2019 07:10:21 PM



• ಬೆಂಗಳೂರು,ಏ17(Daijiworld News/AZM): ಬೆಂಗಳೂರಿನಲ್ಲಿ ಇಂದು ಸುರಿದ ಭಾರೀ ಮಳೆ ಹಾಗೂ ಗಾಳಿಯಿಂದಾಗಿ ಬೈಕ್ ಸವಾರನ ಮೇಲೆ ಮರ ಬಿದ್ದು ಸವಾರ ಸ್ಥಳದಲ್ಲೇ ಮೃತಪಟ್ಟ ಘಟನೆ ಲುಂಬಿನ್ ಗಾರ್ಡನ್ ಬಳಿ ನಡೆದಿದೆ.

  

  ಕುಣಿಗಲ್‌ ಮೂಲದ ಕಿರಣ್ (27) ಮೃತಪಟ್ಟ ವ್ಯಕ್ತಿಯಾಗಿದ್ದು, ಈತ ಬೆಂಗಳೂರಿನಲ್ಲಿ‌ ಕಿರಣ್ ಕೋರಿಯರ್ ಬಾಯ್​ ಆಗಿ ಕೆಲಸ ಮಾಡುತ್ತಿದ್ದರು. ಹೆಬ್ಬಾಳದ ಲುಂಬಿಣಿ ಗಾರ್ಡನ್ ಬಳಿ ಕೆಲಸ ಮುಗಿಸಿ ಕಿರಣ್ ಬೈಕಿನಲ್ಲಿ ಕೆ.ಆರ್.ಪುರಂನಿಂದ ಹೆಬ್ಬಾಳ ಮಾರ್ಗವಾಗಿ ಮನೆಗೆ ತೆರಳುವಾಗ ಮಳೆ-ಗಾಳಿಗೆ ಮರ ಬಿದ್ದಿದೆ. ಮರ ಬಿದ್ದ ಪರಿಣಾಮ ಸ್ಥಳದಲ್ಲೇ ಆತ ಕೊನೆಯುಸಿರೆಳೆದಿದ್ದಾನೆ.

  ಬೇಸಿಗೆಯ ಬಿಸಿತಾಪಕ್ಕೆ ತಂಪು ಎರೆಯಲು ಸುರಿದ ಮಳೆ ಒಂದು ಪ್ರಾಣವನ್ನು ಕಸಿದುಕೊಂಡಿದ್ದೆ. ಬೆಂಗಳೂರಿನ ಹಲವೆಡೆ ಭಾರಿ ಗುಡುಗು ಸಹಿತ ಮಳೆ ಸುರಿಯುತ್ತಿದೆ.