'ಭಾರತದಲ್ಲಿ 2024ರ ಮಾರ್ಚ್‌ ವೇಳೆ ಸಿಎಎಯ ಅಂತಿಮ ಕರಡು ಸಿದ್ಧ' - ಸಚಿವ ಅಜಯ್‌ ಮಿಶ್ರಾ

•   Mon, Nov 27 2023 02:21:24 PM



• ನವದೆಹಲಿ, ನ 27 (DaijiworldNews/HR): 2024ರ ಮಾರ್ಚ್‌ 30ರೊಳಗೆ ಪೌರತ್ವ ತಿದ್ದುಪಡಿ ಕಾಯ್ದೆ(CAA)ಯ ನಿಯಮಾವಳಿಯ ಅಂತಿಮ ಕರಡು ಸಿದ್ಧವಾಗುವ ನಿರೀಕ್ಷೆ ಇದೆ ಎಂದು ಕೇಂದ್ರ ಸಚಿವ ಅಜಯ್‌ ಮಿಶ್ರಾ ಹೇಳಿದ್ದಾರೆ.

  ಈ ಕುರಿತು ಮಾತನಾಡಿದ ಅವರು, ಕಳೆದ ಎರಡು ವರ್ಷಗಳಿಂದ ಸಿಎಎ ಜಾರಿಗೊಳಿಸುವ ಪ್ರಕ್ರಿಯೆಗೆ ಇದೀಗ ವೇಗ ಪಡೆದುಕೊಂಡಿದ್ದು, ಇದರಲ್ಲಿನ ಕೆಲವೊಂದು ಸಮಸ್ಯೆಗಳನ್ನು ಬಗೆಹರಿಸಲಾಗಿದೆ. ಮುಂದಿನ ವರ್ಷದ ಮಾರ್ಚ್‌ 30ರೊಳಗೆ ಸಿಎಎ ಅಂತಿಮ ಕರಡುಪ್ರತಿ ಸಿದ್ಧವಾಗುವ ನಿರೀಕ್ಷೆ ಇದೆ ಎಂದರು.

  ಇನ್ನು 2014ರ ಡಿಸೆಂಬರ್‌ 31ಕ್ಕಿಂತಲೂ ಮೊದಲು ಅಫ್ಘಾನಿಸ್ತಾನ, ಬಾಂಗ್ಲಾದೇಶ, ಪಾಕಿಸ್ತಾನದಿಂದ ಬಂದ ಹಿಂದೂಗಳು, ಸಿಖ್ಖ್‌, ಬೌದ್ಧರು, ಜೈನರು, ಪಾರ್ಸಿ ನಾಗರಿಕರಿಗೆ ಭಾರತದ ಪೌರತ್ವ ನೀಡುವ ಕಾಯ್ದೆ (ಸಿಎಎ) ಇದಾಗಿದೆ ಎಂದು ತಿಳಿಸಿದ್ದಾರೆ.