ಮದ್ಯದ ಅಮಲಿನಲ್ಲಿ ವಿಮಾನದಲ್ಲಿ ಅನುಚಿತ ವರ್ತನೆ, ವ್ಯಕ್ತಿಯ ಬಂಧನ

•   Mon, Nov 20 2023 04:07:18 PM



• ಬೆಂಗಳೂರು, ನ 20 (DaijiworldNews/MS): ಮದ್ಯದ ಅಮಲಿನಲ್ಲಿ ಗಗನಸಖಿ ಕೈ ಹಿಡಿದು ಅನುಚಿತ ವರ್ತಿಸಿದ ಆರೋಪದ ಮೇಲೆ ವ್ಯಕ್ತಿಯೋರ್ವನನ್ನು ಬಂಧಿಸಲಾಗಿದೆ.

  ಬಂಧಿತನನ್ನು ರಾಜಸ್ಥಾನದ ಸಿಕಾರ್ ಜಿಲ್ಲೆಯ ರಣಧೀರ್ ಸಿಂಗ್ ಎಂದು ಗುರುತಿಸಲಾಗಿದೆ.

  ಶುಕ್ರವಾರ ಸಂಜೆ ಜೈಪುರದಿಂದ ಬೆಂಗಳೂರಿಗೆ ಹೊರಟಿದ್ದ ಇಂಡಿಗೋ ವಿಮಾನ 6E556 ನಲ್ಲಿ ಪ್ರಯಾಣಿಕನಾಗಿದ್ದ ಸಿಂಗ್, ಎಚ್ಚರಿಕೆಯ ಹೊರತಾಗಿಯೂ ಪದೇ ಪದೇ ಗಗನಸಖಿಯ ಕೈ ಹಿಡಿದು ಅನುಚಿತ ವರ್ತನೆಯಲ್ಲಿ ತೊಡಗಿದ್ದ.

  ಪರಿಸ್ಥಿತಿಯ ತೀವ್ರತೆಯನ್ನು ಅರಿತು, ಫ್ಲೈ ಟ್ ಕ್ಯಾಪ್ಟನ್ ಆತನನ್ನು ಅಶಿಸ್ತಿನ ಪ್ರಯಾಣಿಕ ಎಂದು ಘೋಷಿಸಿದ್ದರು. ಬೆಂಗಳೂರು ವಿಮಾನ ನಿಲ್ದಾಣಕ್ಕೆ ಆಗಮಿಸಿದ ತಕ್ಷಣ ಕ್ಯಾಬಿನ್ ಸಿಬ್ಬಂದಿ ಸಿಂಗ್ ರುದ್ಧ ದೂರು ದಾಖಲಿಸಿದ್ದರು.

  ಇಂಡಿಗೋ ಅಧಿಕಾರಿ ವರುಣ್ ಕುಮಾರ್ ಅವರು ಶನಿವಾರದಂದು ವಿಮಾನ ನಿಲ್ದಾಣದ ಪೊಲೀಸರಿಗೆ ಮಾಹಿತಿ ನೀಡಿದ್ದರು. ಕಾರ್ಯಾಚರಣೆಗೆ ಇಳಿದ ಪೊಲೀಸರು ಆತನನ್ನು ಬಂಧಿಸಿ ಐಪಿಸಿ ಸೆಕ್ಷನ್ 354ಎ ಅಡಿಯಲ್ಲಿ ಪ್ರಕರಣ ದಾಖಲಿಸಿ, ತನಿಖೆ ನಡೆಸುತ್ತಿದ್ದಾರೆ.