'ರಾಜಾಧ್ಯಕ್ಷ ನೇಮಕ ವಿಚಾರ ಹೈಕಮಾಂಡ್‌ ನಿರ್ಲಕ್ಷ ತೋರಿದೆ'- ರಮೇಶ್​​ ಜಾರಕಿಹೊಳಿ ಅಸಮಾಧಾನ

•   Sat, Nov 18 2023 02:30:51 PM



• ಬೆಳಗಾವಿ, ನ. 18(DaijiworldNews/SK): ವಿಪಕ್ಷ ನಾಯಕನ ಆಯ್ಕೆಗೆ ಸಂಬಂಧಪಟ್ಟಂತೆ ಶುಕ್ರವಾರ ನಡೆದ ಬಿಜೆಪಿ ಶಾಸಕಾಂಗ ಪಕ್ಷದ ಸಭೆಗೆ ಹಾಜರಾಗದೆ ಮುನಿಸಿಕೊಂಡು ತೆರಳಿದ್ದ, ಶಾಸಕ ರಮೇಶ್​​ ಜಾರಕಿಹೊಳಿ ಇದೀಗ ಬಿಜೆಪಿ ರಾಜ್ಯಾಧ್ಯಕ್ಷರಾಗಿ ನೇಮಕಗೊಂಡ ವಿ. ವೈ ವಿಜಯೇಂದ್ರ ಆಯ್ಕೆಗೂ ಬೇಸರ ವ್ಯಕ್ತಪಡಿಸಿದ್ದಾರೆ.

  ಕೇಂದ್ರದ ವೀಕ್ಷಕರ ಎದುರು ತಮ್ಮ ಬೇಸರ ವ್ಯಕ್ತಪಡಿಸಿದ ಅವರು ಬಿಎಸ್ ಯಡಿಯೂರಪ್ಪ ಅವರಿಗೆ ರಾಜ್ಯಾಧ್ಯಕ್ಷ ಸ್ಥಾನ ನೀಡಿದ್ದರೆ ಅದನ್ನು ಹೆಮ್ಮೆಯಿಂದ ಗೌರವಿಸುತ್ತಿದ್ದೆವು. ಆದರೆ ನಮಗಿಂತ ಕಿರಿಯ‌ ವಯಸ್ಸಿನ ಬಿವೈ ವಿಜಯೇಂದ್ರ ಕೈ ಕೆಳಗೆ ಕೆಲಸ ಮಾಡೋದು ಹೇಗೆ? ಎಂದು ಪ್ರಶ್ನಿಸಿದ್ದಾರೆ.

  ಇನ್ನು ರಾಜಾಧ್ಯಕ್ಷರ ನೇಮಕ ವಿಚಾರವಾಗಿ ಪಕ್ಷದಲ್ಲಿ ಅನುಭವಿ ಹಿರಿಯ ನಾಯಕರನ್ನು ಪರಿಗಣಿಸಬಹುದಾಗಿತ್ತು ಆದರೆ ಹೈಕಮಾಂಡ್ ಈ ವಿಚಾರವಾಗಿ ನಿರ್ಲಕ್ಷ ತೋರಿದೆ ಎಂದು ನೇರವಾಗಿ ವೀಕ್ಷಕರ ಬಳಿ ಬೇಸರ ವ್ಯಕ್ತಪಡಿಸಿದ್ದಾರೆ.