ಬಿಜೆಪಿ ನೂತನ ರಾಜ್ಯಾಧ್ಯಕ್ಷರಾಗಿ ಬಿ.ವೈ.ವಿಜಯೇಂದ್ರ ಅಧಿಕಾರ ಸ್ವೀಕಾರ

•   Wed, Nov 15 2023 11:24:18 AM



• ಬೆಂಗಳೂರು: ನ 15 (DaijiworldNews/MR): ರಾಜ್ಯದ ನೂತನ ಬಿಜೆಪಿ ರಾಜ್ಯಾಧ್ಯಕ್ಷರಾಗಿ ಬಿ.ವೈ.ವಿಜಯೇಂದ್ರ ಅವರು ಬುಧವಾರ ಬೆಳಗ್ಗೆ ಅಧಿಕಾರ ಸ್ವೀಕರಿಸಿದರು. 

  ರಾಜ್ಯ ಬಿಜೆಪಿಯ 11ನೇ ರಾಜ್ಯಾಧ್ಯಕ್ಷರಾಗಿ ವಿಜಯೇಂದ್ರ ಅವರು, ಅಧ್ಯಕ್ಷರಾಗಿರುವ ನಳಿನ್‌ ಕುಮಾರ್‌ ಕಟೀಲ್‌ ಅವರಿಂದ ಅಧಿಕಾರ ಸ್ವೀಕರಿಸಿದರು. ನಳಿನ್‌ ಕುಮಾರ್‌ ಕಟೀಲ್‌ ಅವರು ನೂತನ ಸಾರಥಿಯನ್ನು ಅಧ್ಯಕ್ಷರ ಪಟ್ಟಕ್ಕೇರಿಸಿ ಶುಭ ಕೋರಿದರು.

  ಬುಧವಾರ ಬೆಳಗ್ಗಿನಿಂದಲೇ ಬಿಜೆಪಿಯ ಪ್ರಧಾನ ಕಾರ್ಯಾಲಯ ಜಗನ್ನಾಥ ಭವನದಲ್ಲಿ ಹೋಮ ಹವನಾದಿಗಳು ನಡೆದವು. ಒಳಗೆ ದೇವರ ಪೂಜೆ ನಡೆಯುತ್ತಿದ್ದರೆ ಹೊರಗಡೆ ಬೆಳಗ್ಗಿನಿಂದಲೇ ಅಭಿಮಾನಿಗಳ ಸಂಭ್ರಮ ಮುಗಿಲುಮುಟ್ಟಿತ್ತು. 108 ಪೂರ್ಣ ಕುಂಭಗಳನ್ನು ಹೊತ್ತ ಮಹಿಳೆಯರು, ನಾನಾ ರೀತಿಯ ಸ್ವಾಗತಗಳನ್ನು ಕೊರಿ ಅಭಿಮಾನಿಗಳಿಂದ ಘೋಷಣೆಗಳ ಮಹಾಪುರಾವೆ ಅಲ್ಲಿ ಮೇಳೈಸಿದ್ದವು.

  ಬೆಳಗ್ಗೆ ತಮ್ಮ ಮನೆಯಿಂದ ಪತ್ನಿ ಸಮೇತರಾಗಿ ಧವಳಗಿರಿಗೆ ಭೇಟಿ ನೀಡಿದ ಬಿ.ವೈ ವಿಜಯೇಂದ್ರ ಅವರು ಮಾಜಿ ಮುಖ್ಯಮಂತ್ರಿ ಬಿ.ಎಸ್‌. ಯಡಿಯೂರಪ್ಪ ಅವರಿಂದ ಆಶೀರ್ವಾದ ಪಡೆದು. ಅಲ್ಲಿಂದ ಬಿಜೆಪಿ ಪ್ರಧಾನ ಕಚೇರಿಗೆ ಆಗಮಿಸಿದ ವಿಜಯೇಂದ್ರ ಅವರು ಹೋಮದ ಪೂರ್ಣಾಹುತಿಯಲ್ಲಿ ಪಾಲ್ಗೊಂಡರು.

  Live : ನೂತನ ರಾಜ್ಯಾಧ್ಯಕ್ಷರಾಗಿ ನೇಮಕಗೊಂಡಿರುವ ಶ್ರೀ @BYVijayendra ಅವರ ಪದಗ್ರಹಣ ಸಮಾರಂಭ #VijayaSarathya#ವಿಜಯಸಾರಥ್ಯ#BJP4Karnataka https://t.co/T1KHx3Mi6v

  — BJP Karnataka (@BJP4Karnataka) November 15, 2023