ಮನೆಯೊಂದರ ಆವರಣದಲ್ಲಿ ಬಳಿ ಮರಿಗೆ ಜನ್ಮ ನೀಡಿದ ಕಾಡಾನೆ

•   Tue, Nov 14 2023 03:02:41 PM



• ಮಡಿಕೇರಿ, ನ 14(DaijiworldNews/PC): ತಾಲೂಕಿನ ನರಿಯಂದಡ ಗ್ರಾಮ ಪಂಚಾಯಿತಿಯ ಕರಡ ಗ್ರಾಮದ ಕೀಮಲೆಕಾಡು ಗ್ರಾಮದಲ್ಲಿ ಮನೆಯೊಂದರ ಆವರಣದಲ್ಲಿ ಕಾಡಾನೆಯೊಂದು ಸೋಮವಾರ ರಾತ್ರಿ ಮರಿಗೆ ಜನ್ಮ ನೀಡಿದೆ.

  ಸ್ಥಳೀಯ ನಿವಾಸಿ ಎಂ.ಮಂಜು ಎಂಬುವವರ ಮನೆಯ ಬಳಿ ರಾತ್ರಿ ವೇಳೆ ಕಾಡಾನೆ ಮರಿ ಹಾಕಿದೆ. ಕಾಡಾನೆ ಮರಿಯನ್ನು ಹೆಚ್ಚಿನ ಸಂಖ್ಯೆಯ ಗ್ರಾಮಸ್ಥರು ಕುತೂಹಲದಿಂದ ನೋಡಲು ಬಂದಿದ್ದುಇದರಿಂದ ವಿಚಲಿತಗೊಂಡ ಕಾಡಾನೆ ಮರಿಯಾನೆಯನ್ನು ಬಿಟ್ಟು ತೆರಳಿದೆ.

  ಅರಣ್ಯ ಅಧಿಕಾರಿಗಳು ಸ್ಥಳಕ್ಕೆ ಭೇಟಿ ನೀಡಿ ಪರಿಶೀಲಿಸಿದ್ದಾರೆ. ಕಾಫಿತೋಟದಲ್ಲಿ ತೀರಾ ಇಳಿಜಾರು ಇದ್ದು, ಮರಿಯಾನೆಯೊಂದಿಗೆ ತಾಯಿ ಆನೆಯನ್ನು ಹುಡುಕುತ್ತಿದ್ದೇವೆ. ತಾಯಿ ಆನೆ ಜತೆ ಮರಿಯಾನೆಯನ್ನು ಸೇರಿಸಬೇಕಿದೆ ಎಂದು ಆರ್‌ಎಫ್‌ಒ ದೇವಯ್ಯ ಹೇಳಿದ್ದಾರೆ.