ಚಿಕೂನ್ ಗುನ್ಯಾ ತಡೆಗೆ 'ಇಕ್ಸ್ ಚಿಕ್' ಲಸಿಕೆ

•   Sat, Nov 11 2023 09:59:01 AM



• ನವದೆಹಲಿ, ನ 11 (DaijiworldNews/MS): ಚಿಕೂನ್​ಗುನ್ಯಾ ತಡೆಗೆ, ವಿಶ್ವದ ಮೊದಲ ಲಸಿಕೆಗೆ ಅಮೆರಿಕದ ಆಹಾರ ಮತ್ತು ಔಷದ ಆಡಳಿತ (ಎಫ್​ಡಿಎ) ಅನುಮೋದನೆ ನೀಡಿದೆ. " ಇಕ್ಸ್ ಚಿಕ್ " ಎಂಬ ಹೆಸರಿನ ಈ ಲಸಿಕೆಯನ್ನು ಫ್ರೆಂಚ್​ ಬಯೋಟೆಕ್​ ಕಂಪನಿ ವಲ್ನೆವ ಅಭಿವೃದ್ಧಿಪಡಿಸಿದ್ದು, 18 ವರ್ಷ ಮತ್ತು ಅದಕ್ಕಿಂತ ಮೇಲ್ಪಟ್ಟ ವಯಸ್ಸಿನ ಚಿಕೂನ್​ಗುನ್ಯಾ ಅಪಾಯ ಎದುರಿಸುತ್ತಿರುವವರು ಈ ಲಸಿಕೆ ಪಡೆಯಬಹುದಾಗಿದೆ.

  ಚಿಕೂನ್​ಗುನ್ಯಾ ಪ್ರಕರಣಗಳು ಜಾಗತಿಕ ಕಂಡುಬರುತ್ತಿದ್ದು, ಕಳೆದ 15 ವರ್ಷಗಳಿಂದ 5 ಮಿಲಿಯನ್​ ಚಿಕೂನ್​ಗುನ್ಯಾ ಪ್ರಕರಣಗಳು ಜಾಗತಿಕವಾಗಿ ವರದಿಯಾಗಿದೆ.

   ಇಕ್ಸಚಿಕ್​ನ ಸುರಕ್ಷತೆಯನ್ನು ಎರಡು ಕ್ಲಿನಿಕಲ್​ ಅಧ್ಯಯನ ಮೂಲಕ ಪೂರ್ಣಗೊಳಿಸಲಾಗಿದೆ. ಚಿಕೂನ್ ಗುನ್ಯಾಗೆ ಕಾರಣವಾಗು ದುರ್ಬಲ ವೈರಸ್ ನ್ನು ಈ ಲಸಿಕೆ ಹೊಂದಿದ್ದು, ಒಂದು ಡೋಸ್ ಮಾತ್ರ ನೀಡಲಾಗುತ್ತದೆ. ಲಸಿಕೆ ಪಡೆದ ಬಳಿಕ ಚಿಕೂನ್​ಗುನ್ಯಾ ಕೊಂಚ ಲಕ್ಷಣಗಳು ಗೋಚರಿಸಿದ್ದು ಇದು ಸೌಮ್ಯವಾಗಿರಲಿದೆ ಇದಕ್ಕೆ ಆತಂಕ ಪಡುವ ಅಗತ್ಯವಿಲ್ಲ ಎಂದು ಎಫ್​ಡಿಎ ಹೇಳಿದೆ.

  ಚಿಕೂನ್​ಗುನ್ಯಾ ವೈರಸ್​ನ ಸಾಮಾನ್ಯ ಲಕ್ಷಣ ಜ್ವರ ಮತ್ತು ಕೀಲು ನೋವಾಗಿದೆ. ಇದರ ಹೊರತಾಗಿ ಚರ್ಮದಲ್ಲಿ ದದ್ದುಗಳು​​, ತಲೆನೋವು ಮತ್ತು ಸ್ನಾಯು ನೋವು ಕಾಣಿಸಲಿದೆ. ಚಿಕೂನ್​ಗುನ್ಯಾ ವೈರಸ್​ ನವಜಾತ ಶಿಶುಗಳಿಗೆ ಮತ್ತು ಗರ್ಭಿಣಿಯರಿಗೆ ಗಂಭೀರ ಅಪಾಯ ತಂದೊಡ್ಡುತ್ತದೆ.