'ಇಸ್ರೇಲ್ ಪೊಲೀಸರಿಗೆ ಸಮವಸ್ತ್ರ ಸರಬರಾಜು ನಿಲ್ಲಿಸಲಾಗಿದೆ' - ಕೇರಳ ಸಚಿವ

•   Fri, Oct 20 2023 03:41:04 PM



• ಕೇರಳ, ಅ 20 (DaijiworldNews/HR): ಗಾಜಾ ಪಟ್ಟಿಯ ಮೇಲೆ ಇಸ್ರೇಲ್ ದಾಳಿ ನಡೆಸಿದ್ದು, ಇಸ್ರೇಲ್ ಪೊಲೀಸರಿಗೆ ಕೇರಳದ ಕಂಪನಿಯಲ್ಲಿ ತಯಾರಿಸಲಾಗುತ್ತಿರುವ ಸಮವಸ್ತ್ರವನ್ನು ನಿಲ್ಲಿಸುವುದಾಗಿ ದೇಶದ ಕೇರಳ ರಾಜ್ಯದ ಸಚಿವರು ಘೋಷಿಸಿದ್ದಾರೆ.

  ಈ ಕುರಿತು ಕೇರಳದ ಕೈಗಾರಿಕಾ ಸಚಿವ ಪಿ ರಾಜೀವ್ ಮಾಹಿತಿ ನೀಡಿದ್ದು, ರಾಜ್ಯ ಮೂಲದ ಮರಿಯನ್ ಅಪರೆಲ್ ಪ್ರೈವೇಟ್ ಲಿಮಿಟೆಡ್ ಕಂಪನಿಯು ಈ ಪ್ರದೇಶದಲ್ಲಿ ಶಾಂತಿ ಮರುಸ್ಥಾಪಿಸುವವರೆಗೆ ಇಸ್ರೇಲ್‌ನಿಂದ ಹೆಚ್ಚಿನ ಆರ್ಡರ್ ತೆಗೆದುಕೊಳ್ಳದಿರಲು ನಿರ್ಧರಿಸಿದೆ ಎಂದರು.

  ಇನ್ನು ಮರಿಯನ್ ಅಪರೆಲ್ ಪ್ರೈವೇಟ್ ಲಿಮಿಟೆಡ್, ಕಂಪನಿಯು ಕೇರಳದ ಕಣ್ಣೂರು ಜಿಲ್ಲೆಯ ಕೂತುಪರಂಬು ಎಂಬಲ್ಲಿ ಏಕರೂಪದ ಉತ್ಪಾದನಾ ಘಟಕವನ್ನು ಹೊಂದಿದೆ.