ಚಿತ್ರದುರ್ಗಕ್ಕೆ ಮೋದಿ ತಂದ ಸೂಟ್ ಕೇಸ್ ನಲ್ಲಿ ಏನಿತ್ತು?

•   Sat, Apr 13 2019 03:24:32 PM



• ಬೆಂಗಳೂರು,ಏ 13(MSP): ಚಿತ್ರದುರ್ಗದಲ್ಲಿ ಏ.8ರಂದು ಬಿಜೆಪಿ ಸಮಾವೇಶಕ್ಕೆ ಸಮಾವೇಶದಲ್ಲಿ ಭಾಗವಹಿಸಲು ಮೋದಿ ಅವರು ಆಗಮಿಸಿದ ಸಂದರ್ಭ ಅವರನ್ನು ಹೊತ್ತು ತಂದ ಹೆಲಿಕಾಪ್ಟರ್‌ನಿಂದ ಭದ್ರತಾ ಸಿಬ್ಬಂದಿಗಳು ತೂಕ ಹೊಂದಿದ ಸೂಟ್‌ ಕೇಸ್‌ವೊಂದನ್ನು ಅನುಮಾನ ಬರುವಂತೆ ಸಾಗಾಟ ಮಾಡುತ್ತಿರುವ ವಿಡಿಯೋ ಸದ್ಯ ವೈರಲ್‌ ಆಗಿದ್ದು, ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗುತ್ತಿದೆ.

  

  ಸಮಾವೇಶದಲ್ಲಿ ಭಾಗವಹಿಸಲು ಮೋದಿ ಅವರು ಸೇನಾ ಹೆಲಿಕಾಪ್ಟರ್‌ನಲ್ಲಿ ಚಿತ್ರದುರ್ಗಕ್ಕೆ ಬಂದಿಳಿದ ವೇಳೆ ಕ್ಯಾಪ್ಟರ್‌ನಿಂದ ಭಾರವಾದ ಸೂಟ್‌ಕೇಸ್‌ನಂತಿರುವ ಪೆಟ್ಟಿಗೆಯನ್ನು ಕೆಳಕ್ಕಿಳಿಸಿಸುವ ಅವರ ಭದ್ರತಾ ಸಿಬ್ಬಂದಿ, ಅದನ್ನು ಅಷ್ಟೇ ಅವಸರವಸರವಾಗಿ ಇನ್ನೋವಾ ಕಾರೊಂದರಲ್ಲಿ ಸಾಗಿಸುತ್ತಾರೆ.

  ಈ ವಿಡಿಯೋ ತುಣುಕು ಸಾಮಾಜಿಕ ಜಾಲತಾಣದಲ್ಲಿ ಹರಿದಾಡುತ್ತಿದ್ದು, ಹೆಲಿಕಾಪ್ಟರ್‌ನಲ್ಲಿ ತಂದ ಸೂಟ್‌ಕೇಸ್‌ನಲ್ಲಿ ಏನಿತ್ತು, ಪೆಟ್ಟಿಗೆ ಹೊತ್ತು ಹೊರಟ ಇನ್ನೋವಾ ಕಾರು ಯಾರದ್ದು ? ಹೀಗೆ ನಾನಾ ತೆರನಾಗಿ ಬಗ್ಗೆ ರಾಜಕೀಯ ವಲಯ ಮತ್ತು ಸಾರ್ವಜನಿಕ ವಲಯದಲ್ಲಿ ಬಿಸಿಬಿಸಿ ಚರ್ಚೆ ಆರಂಭವಾಗಿದೆ.