ನೇಪಾಳದಲ್ಲಿ ಭೂಕಂಪನ: ದೆಹಲಿ, ಎನ್ ಸಿಆರ್ ನಲ್ಲೂ ಕಂಪಿಸಿದ ಭೂಮಿ

•   Tue, Oct 03 2023 04:43:48 PM



• ನವದೆಹಲಿ,ಅ 03 (DaijiworldNews/MS): ನೆರೆಯ ನೇಪಾಳದಲ್ಲಿ ಇಂದು ಸತತ 2 ಭೂಕಂಪನಗಳು ಸಂಭವಿಸಿದ್ದು, ಇದರ ಬೆನ್ನಲ್ಲೇ ಉತ್ತರ ಭಾರತದ ದೆಹಲಿ ಮತ್ತು ಎನ್ ಸಿಆರ್ ಸೇರಿದಂತೆ ಹಲವು ರಾಜ್ಯಗಳಲ್ಲಿ ಭೂಮಿ ಕಂಪಿಸಿದೆ.

  ದೆಹಲಿ-ಎನ್‌ಸಿಆರ್‌ನಲ್ಲಿ ಅನೇಕ ನೆಟ್ಟಿಗರು ಕಂಪನದ ಅನುಭವದ ಬಗ್ಗೆ ಪೋಸ್ಟ್ ಮಾಡಿದ್ದಾರೆ. ಈ ಭೂಕಂಪವು ನಾನು ಅನುಭವಿಸಿದ ಪ್ರಬಲವಾದ ಭೂಕಂಪಗಳಲ್ಲಿ ಒಂದಾಗಿದೆ.

  ಭೂಕಂಪನದ ರಾಷ್ಟ್ರೀಯ ಕೇಂದ್ರವು ನೇಪಾಳದಲ್ಲಿ ಸಂಭವಿಸಿದ ಮೊದಲ ಭೂಕಂಪದ ಕೇಂದ್ರಬಿಂದುವನ್ನು ಗುರುತಿಸಿದ್ದು, ನೇಪಾಳದ Lat: 29.39 ಮತ್ತು Long: 81.23ರಲ್ಲಿ 5 ಕಿ.ಮೀ ಆಳದಲ್ಲಿ ಕೇಂದ್ರಬಿಂದು ದಾಖಲಾಗಿದೆ. 2ನೇ ಕಂಪನದ ಕೇಂದ್ರ ಬಿಂದು magnitude 6.2ರಲ್ಲಿ ದಾಖಲಾಗಿತ್ತು ಎಂದು ನ್ಯಾಷನಲ್ ಸೆಂಟರ್ ಫಾರ್ ಸಿಸ್ಮಾಲಜಿ ಹೇಳಿಕೆಯಲ್ಲಿ ತಿಳಿಸಿದೆ.

  ದೆಹಲಿ ಪೊಲೀಸರು ಟ್ವೀಟ್​ ಮಾಡಿ, ನೀವೆಲ್ಲರೂ ಸುರಕ್ಷಿತವಾಗಿದ್ದೀರಿ ಎಂದು ನಾವು ಭಾವಿಸುತ್ತೇವೆ, ದಯವಿಟ್ಟು ನಿಮ್ಮ ಕಟ್ಟಡಗಳಿಂದ ಸುರಕ್ಷಿತ ಸ್ಥಳಕ್ಕೆ ಬನ್ನಿ, ಆದರೆ ಗಾಬರಿಯಾಗಬೇಡಿ, ಎಲಿವೇಟರ್​ಗಳನ್ನು ಬಳಸಬೇಡಿ, ತುರ್ತು ಸಹಾಯಕ್ಕಾಗಿ 112 ಡಯಲ್ ಮಾಡಿ ಎಂದು ತಿಳಿಸಿದ್ದಾರೆ.

  ಉತ್ತರ ಭಾರತದ ದೆಹಲಿ. ಎನ್ ಸಿಆರ್, ಹರ್ಯಾಣ, ನೋಯ್ಡಾದಲ್ಲೂ ಕಂಪನದ ಅನುಭವವಾಗಿದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.