370ನೇ ವಿಧಿ ರದ್ದು ಸುಪ್ರೀಂನಲ್ಲಿ ಅರ್ಜಿಗಳ ವಿಚಾರಣೆ

•   Tue, Aug 29 2023 04:42:26 PM



• ನವದೆಹಲಿ ಆ 29 (DaijiworldNews/MS): ಜಮ್ಮು-ಕಾಶ್ಮೀರನಿಂದ 370ನೇ ವಿಧಿಯನ್ನು ತೆಗೆದು ಹಾಕುವುದರ ವಿರುದ್ಧದ ಅರ್ಜಿಗಳ ವಿಚಾರಣೆಯನ್ನು ಇಂದು ಸುಪ್ರೀಂ ಕೋರ್ಟ್ ನಡೆಸಿದ್ದು, ಈ ವೇಳೆ ಜಮ್ಮು-ಕಾಶ್ಮೀರ ಮತ್ತು ಲಡಾಖ್ ಅನ್ನು ಎರಡು ಪ್ರತ್ಯೇಕ ಕೇಂದ್ರಾಡಳಿತ ಪ್ರದೇಶಗಳನ್ನಾಗಿ ಮಾಡುವ ಕ್ರಮ ತಾತ್ಕಾಲಿಕ ಎಂದು ಕೇಂದ್ರ ಸರ್ಕಾರವು ಹೇಳಿದೆ.

  ಶೀಘ್ರದಲ್ಲೇ ಎರಡೂ ಕೇಂದ್ರಾಡಳಿತ ಪ್ರದೇಶಗಳನ್ನು ಒಂದೇ ರಾಜ್ಯವನ್ನಾಗಿ ಮಾಡಲಾಗುವುದು. ಈ ಕ್ರಮ ಎಷ್ಟು ತಾತ್ಕಾಲಿಕ ಎಂದು ಪ್ರಶ್ನಿಸಿದ ಕೋರ್ಟ್‌ ರಾಜ್ಯ ಮರು ರಚನೆಗೆ ಸಮಯ ನಿಗದಿ ಮಾಡುವಂತೆ ಸರ್ಕಾರಕ್ಕೆ ಸೂಚಿಸಿದೆ.

  2019ರ ಆಗಸ್ಟ್‌ನಲ್ಲಿ ಜಮ್ಮು ಮತ್ತು ಕಾಶ್ಮೀರದ (ಜೆ & ಕೆ) ವಿಶೇಷ ಸ್ಥಾನಮಾನವನ್ನು ರದ್ದುಗೊಳಿಸಿದ ಕೇಂದ್ರ ಸರ್ಕಾರದ ಕ್ರಮ ಪ್ರಶ್ನಿಸಿ ಸಲ್ಲಿಸಲಾದ ಅರ್ಜಿಗಳ ವಿಚಾರಣೆಯ ಹನ್ನೊಂದನೇ ದಿನವಾದ ಸೋಮವಾರವೂ ಚರ್ಚೆಗೊಳಗಾದವು.