ಎಲ್‌ಪಿಜಿ ದರ ಶೀಘ್ರದಲ್ಲೇ ಇಳಿಕೆ, ಕಿಸಾನ್‌ ಸಮ್ಮಾನ್‌ ನಗದು ಹೆಚ್ಚಳ?

•   Sat, Aug 19 2023 10:28:12 AM



• ನವದೆಹಲಿ, ಆ 19(DaijiworldNews/MS): ಬೆಲೆಯೇರಿಕೆಯಿಂದ ತತ್ತರಿಸಿರುವ ಜನರಿಗೆ ಕೇಂದ್ರ ಸರ್ಕಾರ ರಿಲೀಫ್‌ ನೀಡಲು ಮುಂದಾಗಿರುವುದಾಗಿ ವರದಿಯಾಗಿದೆ. ಈ ಹಿನ್ನೆಲೆಯಲ್ಲಿ ಅಡುಗೆ ಅನಿಲ ಸಿಲಿಂಡರ್‌ ದರದಲ್ಲಿ ಶೀಘ್ರ ಇಳಿಕೆಯಾಗುವ ಸಾಧ್ಯತೆಯಿದೆ.

  ಮುಂಬರುವ ಲೋಕಸಭೆ ಚುನಾವಣೆ ದೃಷ್ಟಿಯಿಂದ ಜನರ ಮೇಲಿನ ಹೊರೆ ಕಡಿಮೆ ಮಾಡಲು ಮುಂದಾಗಿರುವ ಕೇಂದ್ರ ಸರ್ಕಾರ ಮೂರು ಪ್ರಮುಖ ಕೈಗೊಂಡಿದೆ ಎನ್ನಲಾಗಿದೆ.

  ಕೇಂದ್ರವು ಎಲ್‌ಪಿಜಿ ದರ ಇಳಿಕೆ, ಪಿಎಂ ಕಿಸಾನ್‌ ಸಮ್ಮಾನ್‌ ನಗದು ಹೆಚ್ಚಳ ಸೇರಿದಂತೆ ಹಲವು ಬಂಪರ್‌ ಕೊಡುಗೆಗಳನ್ನು ಘೋಷಿಸಲಿದೆ ಎಂದು ವರದಿಯಾಗಿದೆ.

  2019ರ ಚುನಾವಣೆಯಲ್ಲಿ ಪಿಎಂ ಉಜ್ವಲ ಯೋಜನೆ ಮತ್ತು ಪಿಎಂ ಆವಾಸ ಯೋಜನೆಯು ಹೇಗೆ ಬಿಜೆಪಿ ಪರ ಅಲೆ ಹುಟ್ಟುಹಾಕಿತೋ ಅದೇ ರೀತಿ ಹರ್‌ ಘರ್‌ ಜಲ್‌ ಮತ್ತು ಪಿಎಂ ಕಿಸಾನ್‌ ಸಮ್ಮಾನ್‌ ನಿಧಿ ಯೋಜನೆಯು 2024ರ ಚುನಾವಣೆಯಲ್ಲಿ ಪಕ್ಷಕ್ಕೆ ಮತ್ತಷ್ಟು ಶಕ್ತಿ ಕೊಡಲಿದೆ ಎಂಬ ನಂಬಿಕೆ ಸರ್ಕಾರದ್ದಾಗಿದೆ