'ಮೋದಿಗೆ ಮಣಿಪುರದ ಬೆಂಕಿ ಆರಿಸಲು ಮನಸ್ಸಿಲ್ಲ' - ರಾಹುಲ್‌ ಗಾಂಧಿ ವಾಗ್ದಾಳಿ

•   Fri, Aug 11 2023 05:16:48 PM



• ನವದೆಹಲಿ, ಆ 11 (DaijiworldNews/HR): ಪ್ರಧಾನಿ ನರೇಂದ್ರ ಮೋದಿ ಅವರಿಗೆ ಮಣಿಪುರದ ಬೆಂಕಿ ಆರಿಸಲು ಮನಸ್ಸಿಲ್ಲ ಎಂದು ಕಾಂಗ್ರೆಸ್‌ ಸಂಸದ ರಾಹುಲ್‌ ಗಾಂಧಿ ಹೇಳಿದ್ದಾರೆ.

  ಸುದ್ದಿಗೋಷ್ಠಿಯಲ್ಲಿ ಮಾತನಾಡಿದ ರಾಹುಲ್‌, ಸಂಸತ್ತಿನಲ್ಲಿ ಪ್ರಧಾನಿ ಮಾತನಾಡುವುದನ್ನು ಕೇಳಿದೆ. ಅವರು ಹಾಸ್ಯ ಚಟಾಕಿ ಹಾರಿಸುತ್ತಿದ್ದರು, ನಗುತ್ತಿದ್ದರು ಹಾಗೂ ಎನ್‌ಡಿಎ ಸಂಸದರು ಘೋಷಣೆ ಕೂಗುತ್ತಿದ್ದರು. ಅವರು ಪ್ರಧಾನಿಯ ರೀತಿ ವರ್ತಿಸಿಲ್ಲ ಎಂದು ಆಕ್ರೋಶ ವ್ಯಕ್ತಪಡಿಸಿದ್ದಾರೆ.

  ಇನ್ನು ಮಣಿಪುರದ ಪರಿಸ್ಥಿತಿ ನಿಯಂತ್ರಿಸಲು ಪ್ರಧಾನಿ ಮೋದಿ ಬಳಿ ಹಲವು ಸಾಧನಗಳಿವೆ ಆದರೆ ಅವರು ಮಾಡುತ್ತಿಲ್ಲ, ಬದಲಿಗೆ ಅವರು ಸಂಸತ್ತಿನಲ್ಲಿ ನಗುತ್ತಾರೆ, ಅವರಿಗೆ ಮಣಿಪುರಕ್ಕೆ ಹೋಗಿ ಅಲ್ಲಿನ ಸಮುದಾಯಗಳ ಜೊತೆ ಮಾತನಾಡಬಹುದಾಗಿತ್ತು ಎಂದರು.