ವಿಮಾನದಲ್ಲಿ ವೈದ್ಯೆಗೆ ಲೈಂಗಿಕ ಕಿರುಕುಳ - ಪ್ರಾಧ್ಯಾಪಕನ ಬಂಧನ

•   Fri, Jul 28 2023 03:00:01 PM



• ನವದೆಹಲಿ, ಜು 28 (DaijiworldNews/HR): ಮಹಿಳಾ ವೈದ್ಯೆಯೊಬ್ಬರಿಗೆ ದೆಹಲಿ-ಮುಂಬೈ ವಿಮಾನದಲ್ಲಿ ಲೈಂಗಿಕ ಕಿರುಕುಳ ನೀಡಿದ ಪ್ರಾಧ್ಯಾಪಕನನ್ನು ದೆಹಲಿ ಪೊಲೀಸರು ಬಂಧಿಸಿರುವ ಘಟನೆ ನಡೆದಿದೆ.

  24 ವರ್ಷದ ವೈದ್ಯೆ ಹಾಗೂ 47 ವರ್ಷದ ಪ್ರಾಧ್ಯಾಪಕ ದೆಹಲಿಯಿಂದ ಮುಂಬೈಗೆ ಹೊರಟ ವಿಮಾನದಲ್ಲಿ ಪರಸ್ಪರರ ಪಕ್ಕದಲ್ಲಿ ಕುಳಿತಿದ್ದು, ಈವೇಳೆ ವೈದ್ಯೆಯ ಜೊತೆ ಪ್ರಾಧ್ಯಾಪಕ ಅನುಚಿತವಾಗಿ ವರ್ತಿಸಿದ್ದಾರೆ. ಆ ಬಳಿಕ ಇಬ್ಬರ ನಡುವೆ ವಾಗ್ವಾದ ನಡೆದಿದ್ದು ಕೂಡಲೇ ವಿಮಾನ ಸಿಬಂದಿ ಬಳಿ ವೈದ್ಯೆ ವಿಚಾರ ತಿಳಿಸಿದ್ದಾರೆ.

  ಇನ್ನು ವಿಮಾನ ಮುಂಬೈ ವಿಮಾನ ನಿಲ್ದಾಣ ತಲುಪುತ್ತಿದ್ದಂತೆ ವೈದ್ಯೆ ಸಹಾರ ಪೊಲೀಸ್ ಠಾಣೆಗೆ ದೂರು ನೀಡಿದ್ದು ಪ್ರಕರಣ ದಾಖಲಿಸಿಕೊಂಡ ಪೊಲೀಸರು ಸಂತ್ರಸ್ತೆ ನೀಡಿದ ದೂರಿನ ಆಧಾರದ ಮೇಲೆ ಪ್ರೊಫೆಸರ್ ವಿರುದ್ಧ ಲೈಂಗಿಕ ಕಿರುಕುಳ ಪ್ರಕರಣ ದಾಖಲಿಸಿ ಬಂಧಿಸಿದ್ದಾರೆ.