ಸಿದ್ದರಾಮಯ್ಯನವರೇ ಒಂದಿಷ್ಟು ವಿಷ ಕೊಟ್ಟುಬಿಡಿ - ಅಳಲು ತೋಡಿಕೊಂಡ ಆಟೋ ಚಾಲಕ

•   Thu, Jun 29 2023 01:47:28 PM



• ಚಿಕ್ಕಮಗಳೂರು, ಜೂ 29 (DaijiworldNews/HR): ಸಿದ್ದರಾಮಯ್ಯನವರೇ, ಒಂದಿಷ್ಟು ವಿಷ ಕೊಟ್ಟುಬಿಡಿ, ಸಾಯುತ್ತೇವೆ ಎಂದು ಚಿಕ್ಕಮಗಳೂರು ಜಿಲ್ಲೆಯ ಆಟೋ ಚಾಲಕರೊಬ್ಬರು ಅಳಲು ತೋಡಿಕೊಂಡಿದ್ದಾರೆ.

  ಸಿದ್ದರಾಮಯ್ಯ ಅವರಿಗೆ ಕೈ‌ಮುಗಿದು ಕೇಳಿಕೊಳ್ಳುತ್ತೇನೆ. ಈ ತರ ಚಿತ್ರಹಿಂಸೆ ಯಾರಿಗೂ‌ ನೀಡಬೇಡಿ ಎಂದು ಆಟೋ ಚಾಲಕ ರಾಜೇಶ್ ಎಂಬವರು ವಿಡಿಯೋ ಮಾಡಿ ಸರ್ಕಾರಕ್ಕೆ ಮನವಿ ಮಾಡಿಕೊಂಡಿದ್ದಾರೆ.

  ಇನ್ನು ಬಾಡಿಗೆ ಇಲ್ಲದೆ ಮನೆಗೆ ಹೋಗುವಂತಹ ಪರಿಸ್ಥಿತಿ ನಮಗೆ ನಿರ್ಮಾಣವಾಗಿದೆ. ಶಕ್ತಿ ಯೋಜನೆಯಿಂದಾಗಿ ಆಟೋದಲ್ಲಿ ಓಡಾಡುವವರ ಸಂಖ್ಯೆ ತೀರ ಕಡಿಮೆಯಾಗಿದೆ. ಸಿದ್ದರಾಮಯ್ಯ ಅವರೇ ಆಟೋ ಚಾಲಕರ ಬಗ್ಗೆ ಸ್ವಲ್ಪ ಆದರೂ ಕರುಣೆ ತೋರಿ ಎಂದು ಆಳಲು ತೋಡಿಕೊಂಡಿದ್ದಾರೆ.