ರೈಲು ನಿಲ್ದಾಣದ ವಿದ್ಯುತ್‌ ಶಾಕ್‌ - ಮಹಿಳೆ ಮೃತ್ಯು

•   Sun, Jun 25 2023 04:03:45 PM



• ನವದೆಹಲಿ, ಜೂ 25 (DaijiworldNews/HR): ದೆಹಲಿಯಲ್ಲಿ ವಿದ್ಯುತ್‌ ತಗುಲಿ ಮಹಿಳೆಯೊಬ್ಬರು ಮೃತಪಟ್ಟಿರುವ ಘಟನೆ ಜೂ.25 ರಂದು ನಡೆದಿದೆ.

  ಸಾಕ್ಷಿ ಅಹುಜಾ ಮೃತ ಮಹಿಳೆ.

  ಭೋಪಾಲ್‌ಗೆ ಹೋಗುವ ರೈಲು ಹತ್ತಲು ತನ್ನ ಸಹೋದರಿ ಮತ್ತು ಮೂವರು ಮಕ್ಕಳೊಂದಿಗೆ ನವದೆಹಲಿ ರೈಲು ನಿಲ್ದಾಣಕ್ಕೆ ಬಂದಿದ್ದು, ಮಳೆ ಬರುತ್ತಿದ್ದರಿಂದ ರೈಲ್ವೇ ನಿಲ್ದಾಣದ ನೀರಿನ ರಸ್ತೆಯನ್ನು ದಾಟುತ್ತಿದ್ದ ಆಧಾರವಾಗಿ ವಿದ್ಯುತ್‌ ಕಂಬವನ್ನು ಹಿಡಿದಿದ್ದಾರೆ. ಈ ವೇಳೆ ಕಂಬದಿಂದ ಸಾಕ್ಷಿ ಅವರಿಗೆ ವಿದ್ಯುತ್‌ ಪ್ರವೇಶಿಸಿದೆ.

  ಇನ್ನು ಸ್ಥಳೀಯರು ಕೂಡಲೇ ಮಹಿಳೆಯ ಸಹಾಯಕ್ಕೆ ಧಾವಿಸಿ ಆಸ್ಪತ್ರೆಗೆ ರವಾನಿಸದರೂ ಯಾವುದೇ ಪ್ರಯೋಜನವಾಗಿಲ್ಲ. ಸಾಕ್ಷಿ ವಿದ್ಯುತ್‌ ತಗುಲಿ ಮೃತಪಟ್ಟಿದ್ದಾರೆ.

  ಪೊಲೀಸರು ಘಟನಾ ಸ್ಥಳಕ್ಕೆ ತಲುಪಿ ಪರಿಶೀಲನೆ ನಡೆಸಿದ್ದಾರೆ.