ಶಿವಕುಮಾರ ಸ್ವಾಮಿ ಕೋಟ್ಯಾಂತರ ಜನರ ಮನಸು, ಹೃದಯಗಳಲ್ಲಿ ಉಸಿರಾಡುತ್ತಲೇ ಇದ್ದಾರೆ - ಮೋದಿ ಟ್ವೀಟ್

•   Mon, Apr 01 2019 03:16:50 PM



• ನವದೆಹಲಿ, ಮಾ01(SS): ಡಾ. ಶ್ರೀ ಶ್ರೀ ಶಿವಕುಮಾರ ಸ್ವಾಮಿ ಅವರು ಕೋಟ್ಯಾಂತರ ಜನರ ಮನಸು, ಹೃದಯಗಳಲ್ಲಿ ಉಸಿರಾಡುತ್ತಲೇ ಇದ್ದಾರೆ ಎಂದು ಪ್ರಧಾನಿ ನರೇಂದ್ರ ಮೋದಿ ಅವರು ಟ್ವೀಟ್ ಮಾಡುವ ಮೂಲಕ ಸ್ವಾಮೀಜಿಯವರಿಗೆ ನುಡಿನಮನ ಸಲ್ಲಿಸಿದ್ದಾರೆ.

  

  

  ಸಿದ್ದಗಂಗಾ ಮಠದ ಶಿವಕುಮಾರ ಸ್ವಾಮೀಜಿಯವರ ಜನ್ಮದಿನಂದು, ಡಾ.ಶ್ರೀ ಶ್ರೀ ಶಿವಕುಮಾರ ಸ್ವಾಮಿ ಅವರು ಕೋಟ್ಯಂತರ ಜನರ ಮನಸು, ಹೃದಯಗಳಲ್ಲಿ ಉಸಿರಾಡುತ್ತಲೇ ಇದ್ದಾರೆ. ಈ ದಿನ ಅವರ ಜನ್ಮ ದಿನ. ಇಂಥ ಸಂದರ್ಭದಲ್ಲಿ ಅವರನ್ನು ಆತ್ಮಪೂರ್ವಕವಾಗಿ ಸ್ಮರಣೆ ಮಾಡುತ್ತೇನೆ. ಸಿದ್ದಗಂಗಾ ಮಠದ ಮೂಲಕ ಹತ್ತಾರು ಲಕ್ಷ ಮಂದಿಯ ಬದುಕಿಗೆ ಬೆಳಕಾದ, ನಿಸ್ವಾರ್ಥ ಸೇವೆ ಸಲ್ಲಿಸಿದ ಮಹಾನ್ ಚೇತನ ಶಿವಕುಮಾರ ಸ್ವಾಮಿಗಳು ಎಂದು ತಿಳಿಸಿದ್ದಾರೆ.

  ಬಡತನ- ಹಸಿವು ಹೋಗಲಾಡಿಸಲು, ಜನರಿಗೆ ಉತ್ತಮ ಆರೋಗ್ಯ, ಶಿಕ್ಷಣ ದೊರೆಯಲು ಅವರು ಮಾಡಿದ ಸೇವೆ ಅನುಪಮವಾದದ್ದು, ಅನರ್ಘ್ಯವಾದದ್ದು. ಆ ಅದ್ಭುತ ಚೇತನಕ್ಕೆ ಮತ್ತೊಮ್ಮೆ ಶಿರ ಬಾಗಿ ನಮಿಸುತ್ತೇನೆ ಎಂದು ಮೋದಿ ಟ್ವೀಟ್ ಮಾಡಿದ್ದಾರೆ. ಈ ಮೂಲಕ ಶ್ರೀಗಳ ಸಾಮಾಜಿಕ ಕೊಡುಗೆಯನ್ನು ಪ್ರಧಾನಿ ನರೇಂದ್ರ ಮೋದಿ ಸ್ಮರಿಸಿದ್ದಾರೆ.