ಮದುವೆ ಮನೆಯಲ್ಲಿ ಸ್ಫೋಟಗೊಂಡ ಗ್ಯಾಸ್ ಸಿಲಿಂಡರ್ - ಮೂರು ಮಕ್ಕಳು ಸಜೀವ ದಹನ

•   Sun, Jun 11 2023 09:02:28 AM



• ಮಧ್ಯಪ್ರದೇಶ, ಜೂ 11 (DaijiworldNews/HR): ವಿವಾಹ ಸಮಾರಂಭದ ವೇಳೆ ಗ್ಯಾಸ್ ಸಿಲಿಂಡರ್ ಸ್ಫೋಟಗೊಂಡಿದ್ದು, ಮೂವರು ಅಪ್ರಾಪ್ತ ಮಕ್ಕಳು ಸಜೀವ ದಹನಗೊಂಡಿರುವ ಘಟನೆ ಮಧ್ಯಪ್ರದೇಶದ ಭಿಂದ್ ಜಿಲ್ಲೆಯಲ್ಲಿ ಶನಿವಾರ ನಡೆದಿದೆ.

  ಮೃತರನ್ನು ಕಾರ್ತಿಕ್(4 ), ಭಾವನಾ(6 ) ಮತ್ತು ಪರಿ(5) ಎಂದು ಗುರುತಿಸಲಾಗಿದೆ.

  ಜೂ.17ರಂದು ನಡೆಯಬೇಕಿದ್ದ ಮದುವೆ ಮೆರವಣಿಗೆಗೆ ಮನೆಯವರು ಸಿದ್ಧತೆ ನಡೆಸಿದ್ದು, ಈ ವೇಳೆ ಅಡುಗೆ ಅನಿಲ ಸಿಲಿಂಡರ್ ಒಂದಕ್ಕೆ ಬೆಂಕಿ ತಗುಲಿ ಭಾರೀ ಸ್ಫೋಟ ಸಂಭವಿಸಿದೆ.

  ಇನ್ನು ಗ್ಯಾಸ್ ಸಿಲಿಂಡರ್ ಸ್ಫೋಟದಲ್ಲಿ, ಗ್ಯಾಸ್ ಸಿಲಿಂಡರ್‌ನಿಂದ ಹೊರಹೊಮ್ಮಿದ ಭಾರಿ ಜ್ವಾಲೆಯಿಂದಾಗಿ ಮಕ್ಕಳು ಸಜೀವ ದಹನವಾಗಿದ್ದಾರೆ.

  ಈ ದುರ್ಘಟನೆಯಲ್ಲಿ ಕುಟುಂಬದ ಮುಖ್ಯಸ್ಥ ಅಖಿಲೇಶ್ ಕಡರೆ ಕೂಡ ಗಾಯಗೊಂಡಿದ್ದು, ಅವರನ್ನು ಗ್ವಾಲಿಯರ್‌ಗೆ ದಾಖಲಿಸಲಾಗಿದ್ದು, ಅಖಿಲೇಶ್ ಅವರ ಪತ್ನಿ ವಿಮಲಾ ಮತ್ತು ಪುತ್ರಿ ಪೂಜಾ ಮತ್ತು ಕುಟುಂಬದ ಮತ್ತೊಬ್ಬ ಸದಸ್ಯ ಮೀರಾ ಗೋರ್ಮಿ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾರೆ.