ಪ್ರಶಸ್ತ ಕವಿ ಬಿ.ಎ.ಸನದಿ ವಿಧಿವಶ

•   Sun, Mar 31 2019 09:55:09 AM



• ಬೆಳಗಾವಿ,ಮಾ31(AZM):ವಯೋಸಹಜ ಕಾಯಿಲೆಯಿಂದ ಬಳಲುತ್ತಿದ್ದ ಹಿರಿಯ ಕವಿ ಬಿ.ಎ. ಸನದಿ ಭಾನುವಾರ ಬೆಳಗಿನ ಜಾವ ವಿಧಿವಶರಾಗಿದ್ದಾರೆ.

  
  

  ಕುಮಟಾದ ಹೆವಟ್ಟಾದಲ್ಲಿ ಬಿ.ಎ. ಸನದಿ ಅವರು ವಿಧಿವಶರಾಗಿದ್ದು, ಅವರ ಪಾರ್ಥಿವ ಶರೀರವನ್ನು ಬೆಳಗಾವಿಯ ಸಿಂದೋಳಿಯ ಸ್ವಗೃಹಕ್ಕೆ ಸಾಗಿಸಲಾಗುತ್ತಿದೆ.

  ಬಿ.ಎ.ಸನದಿ ಅವರು ಬೆಳಗಾವಿ ಜಿಲ್ಲೆಯ ಬೆಳಗಾವಿ ತಾಲೂಕಿನ ಸಿಂಧೋಳಿ ಎಂಬ ಹಳ್ಳಿಯಲ್ಲಿ 1933 ರ ಆಗಸ್ಟ್ 18 ರಂದು ಜನಿಸಿದ್ದರು.

  ಸನದಿ ಅವರ ತಾಜಮಹಲು ಕವನ ಸಂಕಲನಕ್ಕೆ ರಾಜ್ಯ ಸರ್ಕಾರದ ಪ್ರಶಸ್ತಿ, ಪ್ರತಿಬಿಂಬ ಕವನ ಸಂಕಲನಕ್ಕೆ ಕರ್ನಾಟಕ ಸಾಹಿತ್ಯ ಅಕಾಡೆಮಿ ಪ್ರಶಸ್ತಿ, ಧ್ರುವ ಬಿಂದು ಕನವ ಸಂಕಲನಕ್ಕೆ ಭಾರತ ಸರ್ಕಾರದ ಪುರಸ್ಕಾರ, ಕರ್ನಾಟಕ ವಿಶ್ವವಿದ್ಯಾಲಯದಿಂದ ಗೌರವ ಡಾಕ್ಟರೇಟ್ ಮುಂತಾದ ಪುರಸ್ಕಾರಗಳು ದೊರೆತಿವೆ.