ವಾಣಿಜ್ಯ ಬಳಕೆ ಸಿಲಿಂಡರ್ ಬೆಲೆ ಇಳಿಕೆ

•   Thu, Jun 01 2023 08:34:43 AM



• ನವದೆಹಲಿ, ಜೂ 01(DaijiworldNews/MS): ಜೂನ್ ತಿಂಗಳ ಆರಂಭದ ದಿನವಾದ ಇಂದು ಗ್ಯಾಸ್ ವಿತರಣಾ ಕಂಪನಿಗಳು ಸಿಹಿಸುದ್ದಿ ನೀಡಿದ್ದು ಎಲ್ ಪಿಜಿ ಗ್ಯಾಸ್ ಸಿಲಿಂಡರ್ ಬೆಲೆಯಲ್ಲಿ ಭಾರೀ ಇಳಿಕೆಯಾಗಿದೆ.

  19 ಕೆಜಿ ವಾಣಿಜ್ಯ ಎಲ್​ಪಿಜಿ ಸಿಲಿಂಡರ್ ಬೆಲೆಯನ್ನು ಕಡಿತಗೊಳಿಸಿದ್ದು, ಪರಿಣಾಮ 83.50 ರೂ.ಗೆ ಇಳಿಕೆಯಾಗಿದ್ದು, ಈ ಮೂಲಕ 19 ಕೆಜಿ ಎಲ್ ಪಿಜಿ ಸಿಲಿಂಡರ್ ಬೆಲೆ 1,773 ರೂ.ಗೆ ತಲುಪಿದೆ. 

  ಈ ಹಿಂದೆ ಅಂದರೆ ಮೇ 1 ರಂದು  ವಾಣಿಜ್ಯ ಎಲ್ ಪಿಜಿ ಸಿಲಿಂಡರ್ ಬೆಲೆಯನ್ನು 172ರೂ. ಇಳಿಸಿತ್ತು. ಇದೀಗ ಈ ತಿಂಗಳಲ್ಲೂ ಮತ್ತೆ ಇಳಿಕೆಯಾಗಿದೆ.

  ಅದರೂ, ಈ ದರ ಕಡಿತವು ವಾಣಿಜ್ಯ ಅನಿಲ ಸಿಲಿಂಡರ್ ಬಳಕೆದಾರರಿಗೆ ಮಾತ್ರ. ಗೃಹ ಬಳಕೆಯ ಎಲ್ ಪಿಜಿ ಅನಿಲ ಗ್ರಾಹಕರಿಗೆ ಬೆಲೆಯಲ್ಲಿ ಯಾವುದೇ ಪರಿಷ್ಕರಣೆಯಾಗಿಲ್ಲ.