ಮದುವೆ ಮೆರವಣಿಗೆಯಲ್ಲಿ ಗುಂಡಿನ ದಾಳಿ - 7 ವರ್ಷದ ಬಾಲಕಿ ಮೃತ್ಯು, ಐವರಿಗೆ ಗಾಯ

•   Sun, May 21 2023 06:01:27 PM



• ಪಾಟ್ನಾ,ಮೇ21(DaijiworldNews/KH):ತಡರಾತ್ರಿಯ ವೇಳೆ  ಮದುವೆ ಮೆರವಣಿಗೆಯಲ್ಲಿ ಇಬ್ಬರು ಮನಬಂದಂತೆ ಗುಂಡಿನ ದಾಳಿ ನಡೆಸಿದ್ದ ಸಂದರ್ಭದಲ್ಲಿ  7 ವರ್ಷದ ಬಾಲಕಿ ಮೃತಪಟ್ಟು, ಐವರು ಗಾಯಗೊಂಡಿರುವ ಘಟನೆ ಪಾಟ್ನಾದ ದಾನಪುರ್ ದಿಯಾನಾ ಪ್ರದೇಶದ ಫುಟಾನಿ ಮಾರುಕಟ್ಟೆಯಲ್ಲಿ ನಡೆದಿದೆ.

  ಬುಧನ್ ರೈ ಹಾಗೂ ಅನಿಲ್ ಷಾ ಇವರಿಬ್ಬರು ವಧುವಿನ ಸಂಬಂಧಿಕರು ಎನ್ನಲಾಗಿದ್ದು, ಇವರಿಬ್ಬರು ಮದುವೆ ಮೆರವಣಿಗೆಯಲ್ಲಿ  ಮನಬಂದಂತೆ ಗುಂಡಿನ ದಾಳಿ ನಡೆಸಿದರಿಂದ ಶಿವಾನಿ ಕುಮಾರಿ (7) ಎಂಬ ಬಾಲಕಿಗೆ ತಾಗಲಿ ಸ್ಥಳದಲ್ಲೇ ಮೃತಪಟ್ಟಿದ್ದು, ಇದ್ದರಿಂದ ಇತರ ಐದು ಮಂದಿ ಗಾಯಗೊಂಡಿದ್ದಾರೆ.

  ಇನ್ನೂ  ಗುಂಡಿನ ವಿಚಾರವಾಗಿ ಯಾವ ಕಾರಣಕ್ಕೆ  ಹಾರಿಸಿದ್ದಾರೆ ಎನ್ನುವುದು ಇನ್ನಷ್ಟೇ ಗೊತ್ತಾಗಬೇಕಿದೆ. ಈ ಘಟನೆಗೆ  ಸಂಬಂಧ  ಪಟ್ಟ ಇಬ್ಬರು ವಿರುದ್ಧ ಎಫ್‌ ಐಆರ್‌ ದಾಖಲಿಸಲಾಗಿದ್ದು, ಬುಧನ್ ರೈಯನ್ನು ಬಂಧಿಸಲಾಗಿದೆ. ಅನಿಲ್ ಷಾ ಪರಾರಿಯಾಗಿದ್ದು, ಆತನಿಗಾಗಿ ಹುಡುಕಾಟ ನಡೆಸಲಾಗುತ್ತಿದೆ ಎಂದು ಪೊಲೀಸರು ಹೇಳಿದ್ದಾರೆ.