ವಿದ್ಯುತ್ ಕಡಿತ - ಕತ್ತಲಲ್ಲೇ ಭಾಷಣ ಮಾಡಿದ ರಾಷ್ಟ್ರಪತಿ ದ್ರೌಪದಿ ಮುರ್ಮು

•   Sun, May 07 2023 08:33:17 AM



• ಒಡಿಶಾ, ಮೇ 07 (DaijiworldNews/HR): ಒಡಿಶಾದ ಬಡಿಪದ ನಗರದಲ್ಲಿರುವ ಮಹಾರಾಜ ಶ್ರೀ ರಾಮಚಂದ್ರ ಬಂಜದೇಯೊ ವಿವಿಯ 12ನೇ ಘಟಿಕೋತ್ಸವದಲ್ಲಿ ಶನಿವಾರ ರಾಷ್ಟ್ರಪತಿ ದ್ರೌಪದಿ ಮುರ್ಮು ಅವರ ಘಟಿಕೋತ್ಸವ ಭಾಷಣದ ವೇಳೆ ವಿದ್ಯುತ್‌ ಕಡಿತವಾಗಿದ್ದು, ಈ ವೇಳೆ ಕತ್ತಲಲ್ಲೇ ರಾಷ್ಟ್ರಪತಿಗಳು ಭಾಷಣ ಮುಂದುವರಿಸಿದ್ದಾರೆ.

  ಸುಮಾರು 10 ನಿಮಿಷಗಳ ಕಾಲ ಇಡೀ ಸಭಾಂಗಣದಲ್ಲಿ ಕತ್ತಲೆ ಆವರಿಸಿದ್ದು, ವಿದ್ಯುತ್‌ ಅಡಚಣೆಯಾದರೂ ಸಭಾಂಗಣದ ಮೈಕ್‌ ಮತ್ತು ಹವಾನಿಯಂತ್ರಣ ವ್ಯವಸ್ಥೆ ಕಾರ್ಯನಿರ್ವಹಿಸುತ್ತಿತ್ತು. ಮೈಕ್‌ ಸರಿಯಾಗಿ ಕಾರ್ಯನಿರ್ವಹಿಸುತ್ತಿದ್ದರಿಂದ ರಾಷ್ಟ್ರಪತಿಗಳು ತಮ್ಮ ಭಾಷಣವನ್ನು ಮುಂದುವರಿಸಿದರು. ಕತ್ತಲೆಯಲ್ಲಿಯೂ ಸಭಾಂಗಣದಲ್ಲಿ ಸೇರಿರುವ ಜನರು ರಾಷ್ಟ್ರಪತಿಗಳ ಭಾಷಣವನ್ನು ಮೌನವಾಗಿ ಕುಳಿತು ಆಲಿಸಿದ್ದಾರೆ.

  ಇನ್ನು ಎಲೆಕ್ಟ್ರಿಕ್‌ ವೈರಿಂಗ್‌ನಲ್ಲಿ ದೋಷವಿದ್ದ ಹಿನ್ನೆಲೆಯಲ್ಲಿ ವಿದ್ಯುತ್‌ ಕಡಿತಗೊಂಡಿತ್ತು ಎಂದು ಟಾಟಾ ಪವರ್‌, ಉತ್ತರ ಒಡಿಶಾ ಇಂಧನ ಸರಬರಾಜು ಲಿ. ಸಿಇಒ ಭಾಸ್ಕರ್‌ ಸರ್ಕಾರ್‌ ತಿಳಿಸಿದ್ದಾರೆ.