ಆಪರೇಷನ್ ಕಾವೇರಿ ಅಡಿಯಲ್ಲಿ ಸುಡಾನ್‌ನಿಂದ 3,800 ಭಾರತೀಯರ ಸ್ಥಳಾಂತರ

•   Fri, May 05 2023 09:08:57 AM



• ನವದೆಹಲಿ, ಮೇ 05 (DaijiworldNews/HR): ಯುದ್ಧ ಪೀಡಿತ ಸುಡಾನ್‌ನಿಂದ ಭಾರತಕ್ಕೆ ಇಲ್ಲಿಯವರೆಗೂ ಆಪರೇಷನ್ ಕಾವೇರಿ ಅಡಿಯಲ್ಲಿ ಸುಮಾರು 3,800 ಮಂದಿಯನ್ನು ಸ್ಥಳಾಂತರಿಸಲಾಗಿದೆ.

  ಈ ಕುರಿತು ಟ್ವೀಟ್ ಮಾಡಿರುವ ವಿದೇಶಾಂಗ ವ್ಯವಹಾರಗಳ ಸಚಿವಾಲಯದ ವಕ್ತಾರ ಅರಿಂದಮ್ ಬಾಗ್ಚಿ, 47 ಭಾರತೀಯರೊಂದಿಗೆ ಭಾರತೀಯ ವಾಯುಪಡೆಯ C-130J ವಿಮಾನವು ದೆಹಲಿಗೆ ಹೋಗುವ ವಿಮಾನದಲ್ಲಿ ಜೆಡ್ಡಾದಿಂದ ಹೊರಟಿದೆ. ಈ ಮೂಲಕ, ಆಪರೇಷನ್ ಕಾವೇರಿ ಅಡಿಯಲ್ಲಿ ಸುಮಾರು 3800 ಜನರನ್ನು ಈಗ ಸುಡಾನ್‌ನಿಂದ ರಕ್ಷಿಸಲಾಗಿದೆ ಎಂದಿದ್ದಾರೆ.

  ಇನ್ನು ಗುರುವಾರ ಸುಡಾನ್‌ನಿಂದ 192 ಭಾರತೀಯರು ಅಹಮದಾಬಾದ್‌ಗೆ ಬಂದಿಳಿದಿದ್ದು, ಅವರನ್ನು ಭಾರತೀಯ ವಾಯುಪಡೆಯ C17 ವಿಮಾನದಲ್ಲಿ ಪೋರ್ಟ್ ಸುಡಾನ್‌ನಿಂದ ಅಹಮದಾಬಾದ್‌ಗೆ ಗುಜರಾತ್‌ಗೆ ಕರೆತರಲಾಯಿತು.

  IAF C-130J aircraft with 47 evacuees from Sudan is on its way to Delhi from Jeddah
  
  Nearly 3800 persons have now been rescued from Sudan under #OperationKaveri pic.twitter.com/JbxHRJGeqF

  — Arindam Bagchi (@MEAIndia) May 4, 2023